Published : 30 Mar 2025 09:02 AM
Last Updated : 30 Mar 2025 09:02 AM

சன்ரைசர்ஸ் ஹைதராபாத்துடன் இன்று பலப்பரீட்சை: 2-வது வெற்றியை பெறுமா டெல்லி கேபிடல்ஸ்?

விசாகப்பட்டினம்: ஐபிஎல் டி20 கிரிக்​கெட் தொடரில் இன்று பிற்​பகல் 3.30 மணிக்கு விசாகப்​பட்​டினத்​தில் நடை​பெறும் ஆட்​டத்​தில் டெல்லி கேபிடல்ஸ் - சன்​ரைசர்ஸ் ஹைத​ரா​பாத் அணி​கள் மோதுகின்​றன.

பாட் கம்​மின்ஸ் தலை​மையி​லான சன்​ரைசர்ஸ் ஹைத​ரா​பாத் அணி நடப்பு சீசனை வெற்​றிகர​மாக தொடங்​கியது. ராஜஸ்​தான் அணிக்கு எதி​ரான முதல் ஆட்​டத்​தில் 286 ரன்​கள் வேட்​டை​யாடிய ஹைத​ரா​பாத் அணி 44 ரன்​கள் வித்​தி​யாசத்​தில் வெற்றி கண்​டிருந்​தது. ஆனால் அடுத்த ஆட்​டத்​தில் லக்னோ சூப்​பர் ஜெயண்ட்ஸ் அணி​யிடம் 5 விக்​கெட்​கள் வித்​தி​யாசத்​தில் தோல்வி கண்​டிருந்​தது. இந்த ஆட்​டத்​தி​லும் ஹைத​ரா​பாத் அணி 190 ரன்​கள் குவித்​திருந்​தது.

அக்​சர் படேல் தலை​மையி​லான டெல்லி கேபிடல்ஸ் அணி தனது முதல் ஆட்​டத்​தில் லக்னோ சூப்​பர் ஜெயண்ட்ஸ் அணியை ஒரு விக்​கெட்​ வித்​தி​யாசத்​தில் வீழ்த்​தி​யிருந்​தது. 209 ரன்​கள் இலக்கை துரத்​திய அந்த ஆட்​டத்​தில் அஷுதோஷ் சர்மா 31 பந்​துகளில், 66 ரன்​கள் விளாசி வெற்றி தேடிக்​கொடுத்​திருந்​தார். அந்த ஆட்​டத்​தில் விப்​ராஜ் நிகா​மும் 15 பந்​துகளில் 39 ரன்​கள் விளாசி வெற்​றிக்​கான பங்​களிப்பை வழங்​கி​யிருந்​தார். இவர்​களிடம் இருந்து மேலும் ஒரு சிறந்த ஆட்​டம் வெளிப்​படக்​கூடும்.

இன்​றைய ஆட்​டத்​தில் கே.எல்​.​ராகுல் டெல்லி அணி​யில் களமிறங்​கு​கிறார். அவர், முதல் ஆட்​டத்​தில் தனது குழந்தை பிறப்​பையொட்டி களமிறங்​க​வில்​லை. தற்​போது அவர், திரும்​பி​யிருப்​ப​தன் மூலம் அணி​யின் பலம் அதி​கரிக்​கக்​கூடும். சாம்​பியன்ஸ் டிராபி தொடரில் சிறப்​பாக செயல்​பட்​டிருந்த கே.எல்​.​ராகுலை, இந்த சீசனுக்​காக டெல்லி கேபிடல்ஸ் ரூ.14 கோடிக்கு ஏலம் எடுத்​திருந்​தது. எனினும் அவர், கேப்​டன் பொறுப்பை ஏற்க மறுத்​திருந்​தார்.

இது ஒரு​புறம் இருக்க இந்​திய டி20 அணி​யில் கே.எல்​.​ராகுலுக்கு இடம் இல்​லாமல் உள்​ளது. தற்​போது ஐபிஎல் தொடரில் அவர், கேப்​ட​னாக இல்​லாத​தால் எந்​த​வித அழுத்​த​மும் இல்​லாமல் சுதந்​திர​மாக செயல்​படக்​கூடும். இந்த தொடரில் கவனத்தை ஈர்க்​கும் வகையி​லான திறனை வெளிப்​படுத்தி இந்​திய அணிக்​குள் மீண்​டும் நுழைவ​தில் கே.எல்​.​ராகுல் கவனம் செலுத்​தக்​கூடும். அவரது வரு​கை​யால் டெல்லி அணி​யின் டாப் ஆர்​டர் பேட்​டிங் வலுப்​பெறக்​கூடும்.

சன்​ரைசர்ஸ் ஹைத​ரா​பாத் அணி​யில் அபிஷேக் சர்​மா, டிரா​விஸ் ஹெட், இஷான் கிஷன், நித்​திஷ் ரெட்​டி, ஹென்​ரிச் கிளாசன் ஆகியோரை உள்​ளடக்​கிய பேட்​டிங் வரிசை டெல்லி அணி​யின் பந்து வீச்​சாளர்​களுக்கு நெருக்​கடி தரக்​கூடும். போட்டி பிற்​பகலில் நடை​பெறும் அதிக அளவி​லான ரன் வேட்டை நிகழ்த்​தக்​கூடும். இது ரசிகர்​களுக்கு விருந்து படைப்​ப​தாக இருக்​கக்​கூடும்​.

FOLLOW US

தவறவிடாதீர்!

Sign up to receive our newsletter in your inbox every day!

WRITE A COMMENT
 
x