டேவிஸ் கோப்பை டென்னிஸ்: உலக குரூப் சுற்றுக்கு இந்தியா தகுதி

புதுடெல்லி: டேவிஸ் கோப்பை டென்னிஸ் போட்​டி​யின் உலக குரூப்-1 சுற்றுப் போட்​டிக்கு இந்தியா தகுதி பெற்றுள்​ளது.

டேவிஸ் கோப்பை டென்னிஸ் தொடர் டெல்​லி​யில் நேற்று​ முன்​தினம் தொடங்​கியது. இதில் இந்தியா, டோகோ அணிகள் மோதி வருகின்றன. நேற்று முன்​தினம் நடைபெற்ற ஆடவர் ஒற்றையர் பிரிவு ஆட்டங்​களில் இந்தியா​வின் சசிகு​மார் முகுந்த், ராம்​கு​மார் ராமநாதன் ஆகியோர் வெற்றி பெற்​றனர். இதையடுத்து இந்தியா 2-0 என முன்னிலை பெற்​றது.

இந்நிலை​யில், நேற்று நடைபெற்ற ஆடவர் இரட்​டையர் பிரி​வில் இந்தியா​வின் ராம் பாலாஜி-ரித்விக் சவுத்ரி போலிப்​பல்லி ஜோடி, டோகோ நாட்​டின் எம்லாப்பா டிங்​கோவ் அகோமோலா, ஹாடோபலோ இஸாக் படியோ ஜோடியை 6-2, 6-1 என்ற செட் கணக்​கில் எளிதில் வீழ்த்​தி​யது. இந்தப் போட்டி 57 நிமிடங்​களில் முடிவடைந்​தது. இதன்​மூலம் இந்திய அணி 3-0 என முன்னிலை பெற்றுள்​ளது.

இந்த வெற்றி​யின் மூலம் இந்திய அணி, டேவிஸ் கோப்பை டென்னிஸ் போட்​டி​யின் உலக குரூப்-1 சுற்றுப் போட்​டிக்கு தகுதி பெற்றுள்​ளது.