மயிலாப்பூர் ஸ்ரீ வேதாந்த தேசிகர் தேவஸ்தானம்: ஸ்ரீனிவாச பெருமாள் சந்நிதியின் 100-ம் ஆண்டு விழா தொடக்கம்

சென்னை: மயிலாப்பூர் வேதாந்த தேசிகர் தேவஸ்தானத்தில் ‘இந்து குழுமம்’சார்பில் 1924-ம் ஆண்டு கட்டப்பட்ட ஸ்ரீனிவாச பெருமாள் சந்நிதி 100-வது ஆண்டை நிறைவு செய்யஉள்ளது. இதையொட்டி 350 ஆண்டுகள் பழமையான இந்த கோயில் வரலாற்றில் முதல்முறையாக கடந்த ஏப்.1-ம் தேதி மடிப்பாக்கம் கார்த்திகேயபுரத்தில் உள்ள ஏரியில் தெப்ப உற்சவம் நிகழ்வு நடைபெற்றது.

இதன் தொடர்ச்சியாக 100-ம்ஆண்டின் தொடக்க விழா மயிலாப்பூர் வேதாந்த தேசிகர் தேவஸ்தானத்தில் நேற்று நடைபெற்றது. தொடக்க விழாவை, ஸ்ரீரங்கம் ஸ்ரீமத் ஆண்டவன் ஸ்ரீவராக மகாதேசிகன் தொடங்கி வைத்தார். 100-வதுஆண்டு விழாவை முன்னிட்டு, ஒவ்வொரு மாதமும் கோயிலில் உற்சவ நிகழ்ச்சிகள், இசை, நாட்டியம், சொற்பொழிவு உள்ளிட்ட நிகழ்ச்சிகள் நடத்த கோயில் நிர்வாகம் திட்டமிட்டது.

தொடக்க விழாவில் ‘தேசிக ஸந்தேசம்’ மாத இதழின் 6-ம்ஆண்டு சிறப்பு பதிப்பை ரங்கம்மத் ஆண்டவன் வராக மகாதேசிகன் வெளியிடமூத்த வழக்கறிஞர் டி.வி.ராமானுஜர் சுவாமி பெற்றுக்கொண்டார். இந்த மாத இதழ் இலவசமாக பக்தர்களுக்கு கோயிலில் வழங்கப்படுகிறது.

நிகழ்வில் சிறப்பம்சமாக மூலவர் ஸ்ரீனிவாச பெருமாளுக்கு வைரங்கள் பதித்த, தங்கத்திலான ‘சுவர்ண ஹஸ்தம்’ மற்றும் பதக்கம் ஆகியவற்றை சென்னையை சேர்ந்த கோமளவள்ளி-மாதவாச்சாரியார் குடும்பத்தினர், கோயிலுக்கு நன்கொடையாக வழங்கினர். இந்நிகழ்வில் தேவஸ்தானத்தின் அறங்காவலர்கள் ஆர்.ராகவன், ஆர்.அனந்தபத்மநாபன், ஆர்.முகுந்தன் உள்ளிட்டோர் பங்கேற்றனர்.