மகாளய அமாவாசையை முன்னிட்டு சென்னையில் கடற்கரை, கோயில் குளங்களில் ஏராளமானோர் தர்ப்பணம்

சென்னை: ம​காளய அமா​வாசையை முன்​னிட்டு சென்​னை​யில் கோயில் குளங்​கள், மெரினா கடற்​கரை உள்​ளிட்ட நீர்​நிலைகளில் ஆயிரக்​கணக்​கான பொது​மக்​கள் குவிந்​து, முன்​னோருக்கு தர்ப்​பணம் செய்து வழிபட்​டனர்.

அமா​வாசை நாளில் விரதம் இருந்து தர்ப்​பணம் கொடுத்​தால் முன்​னோரின் ஆசி கிடைக்​கும் என்​பது இந்​துக்​களின் நம்​பிக்​கை. இதில் ஆடி, புரட்​டாசி, தை மாதங்​களில் வரும் அமா​வாசை நாள் விசேஷ​மான​தாக கருதப்​படு​கிறது. அதி​லும் குறிப்​பாக, புரட்​டாசி​யில் வரும் அமா​வாசை, மகாளய அமா​வாசை எனப்​படு​கிறது. இதற்கு முந்​தைய 15 நாட்​களும், அதாவது, ஆவணி மாத பவுர்​ணமிக்கு பிறகு வரும் பிரதமை தொடங்கி அடுத்து வரும் 15 நாட்​களும் ‘மகாளய பட்​சம்’ எனப்​படு​கிறது.

பித்ரு லோகத்​தில் இருக்​கும் முன்​னோர்​கள் தங்​கள் குடும்​பத்​தினரை காண இந்த நாட்​களில் பூமிக்கு வரு​வ​தாக ஐதீகம். அதனால், மேற்​கண்ட 15 நாட்​களும் விரதம் இருந்​து, முன்​னோர் வழி​பாடு செய்​வது விசேஷ​மானது. அவ்​வாறு செய்ய இயலாதவர்​கள் மகாளய பட்ச காலத்​தின் நிறைவு நாளான

மகாளய அமா​வாசையன்று முன்​னோருக்கு தர்ப்​பணம் கொடுத்து வழிபடு​வார்​கள். நேற்று மகாளய அமா​வாசை என்​ப​தால், சென்னை மற்​றும் புறநகர் பகு​தி​களில் உள்ள அனைத்து நீர்​நிலைகளி​லும் ஏராள​மானோர் குவிந்​து, முன்​னோருக்கு தர்ப்​பணம் செய்​தனர். சென்​னை​யில் மெரி​னா, பெசன்ட் நகர், கோவளம் கடற்​கரை பகு​தி​களில் ஏராள​மானோர் அதி​காலை​யிலேயே திரண்​டனர். கடலில் நீராடிய பிறகு, எள், நீர் விட்டு முன்​னோருக்கு தர்ப்​பணம் செய்​தனர்.

வியாசர்​பாடி ரவீஸ்​வரர், மயி​லாப்​பூர் கபாலீஸ்​வரர், சைதாப்​பேட்டை காரணீஸ்​வரர், திரு​வல்​லிக்​கேணி பார்த்​த​சா​ரதி கோயில் குளக்​கரைகளில் ஏராள​மானோர் திரண்டு தர்ப்​பணம் கொடுத்​தனர். இதனால், அதி​காலை முதலே ஏராள​மான புரோகிதர்​கள் கோயில் குளங்​கள், மெரினா கடற்​
கரை உள்​ளிட்ட பகு​தி​களுக்கு வந்​து, தர்ப்பண சடங்​கு​களை செய்து வைத்​தனர். பலர் ஆதர​வற்​றோருக்​கு உணவு
வழங்​கினர்.