ஸ்ரீ சாரதா நவராத்திரி விழாவை முன்னிட்டு காஞ்சி மடத்தின் பீடாதிபதிகள் பட்டினப்பிரவேசம்

சென்னை: ஸ்ரீ சாரதா நவராத்​திரி விழாவை முன்​னிட்​டு, காஞ்சி சங்கர மடத்​தின் பீடா​திப​தி​கள் ஸ்ரீ விஜயேந்​திர சரஸ்​வதி சுவாமிகள், ஸ்ரீ சத்ய சந்​திரசேகரேந்​திர சரஸ்​வதி சுவாமிகள், நேற்று சென்​னைக்கு வருகை புரிந்​துள்​ளனர்.

ஸ்ரீ சாரதா நவராத்​திரி மஹோற்​சவம், செப். 22-ம் தேதி முதல் அக். 2-ம் தேதி வரை, சென்​னை, தாம்​பரம் கிழக்கு ராஜகீழ்ப்​பாக்​கத்​தில் உள்ள ஸ்ரீ காஞ்சி மகாஸ்​வாமி வித்யா மந்​திர் பள்ளிவளாகத்​தில் நடை​பெற உள்​ளது. இவ்​விழாவை முன்​னிட்டு காஞ்சி சங்கர மடத்​தின் பீடா​திப​தி​கள் ஸ்ரீ விஜயேந்​திர சரஸ்​வதி சுவாமிகள், ஸ்ரீ சத்ய சந்​திரசேகரேந்​திர சரஸ்​வதி சுவாமிகள், செப். 20-ம் தேதி (நேற்​று) இங்கு வருகை புரிந்​துள்​ளனர். இதையடுத்து செப். 21-ம் தேதி (இன்​று) மாலை 4.25 மணி அளவில் திவ்ய தேச கண்​காட்​சியை தொடங்கி வைக்க உள்​ளனர்.

ஸ்ரீ சாரதா நவராத்​திர் மஹோற்​சவத்தை முன்​னிட்டு செப். 22-ம் தேதி முதல் பிக்ஷாவந்​தனம், சஹஸ்ர சண்டி மகா யாகத்​துக்கு ஏற்​பாடு​கள் செய்​யப்​பட்​டுள்​ளன. செப். 22-ம் தேதி காலை 7.30 மணிக்கு அனுக்​ஞை, குரு வந்​தனம், கணபதி பூஜை, பிர​தான – விசேஷ சங்​கல்​பம், பூர்​வாங்​கம், புண்​ணி​யாக​வாசனம், கலச பிர​திஷ்டை நடை​பெறும். செப். 22-ம் தேதி முதல் அக். 2-ம் தேதி வரை காலை 8.30 மணிக்கு தினசரி பூஜை, சங்​கல்​பம், சப்​தசதி பாராயணம் (2 முறை), ஹோமம் (1 முறை), மகா தீபா​ராதனை நடை​பெறும். அன்​றைய தினம் மாலை 5 மணி அளவில் விஷ்ணு சஹஸ்​ர​நாம பாராய ணம், மூல மந்​திர ஜெபம், லலிதா சஹஸ்​ர​நாம பாராயணம், லட்​சார்ச்​சனை, மகா தீபா​ராதனை, மந்​திர புஷ்பம் உள்​ளிட்​டவை நடை​பெறும். மேலும் திரு​விளக்கு பூஜை, அஸ்வ பூஜை, ஸ்ரீவித்யா கணபதி ஹோமம், துர்கா சுக்தஹோமம், சூலினி துர்கா ஹோமம், திருஷ்டி துர்கா ஹோமம்,கன்யா பூஜை உள்​ளிட்​ட​வற்​றுக்​கும் ஏற்​பாடு​கள் செய்​யப்​பட்​டுள்​ளன.

கூடு​தல் விவரங்​களை 8122853541, 9840021526, 9940369680, 7358877666, 9841446897, 9444911893 ஆகிய எண்​களை தொடர்பு கொண்டு அறிய​லாம். உன்னத எண்​ணங்​களை​யும் நல்ல லட்​சி​யங்​களை​யும் கொண்​ட​வர்​களாக இளைய தலை​முறை​யினரை மாற்​றும் நோக்​கத்​துடன், ஆன்​மிக, கலாச்​சார கல்​வி​யுடன் நவீன கல்​வியை வழங்​வதற்​காக, தாம்​பரம் (கிழக்​கு), ராஜகீழ்ப்​பாக்​கத்​தில்  காஞ்சி மகாஸ்​வாமி வித்யா மந்​திர்​ பள்​ளி2010-ம்​ ஆண்​டு தொடங்​கப்​பட்​டுள்​ளது குறிப்​பிடத்​தக்​கது.