காஞ்சி மகாஸ்வாமியின் உபதேச மொழிகளை மக்களிடம் சேர்ப்பதில் ‘தி இந்து’ குழுமத்தின் பங்கு அளப்பரியது: நூல் வெளியீட்டு விழாவில் ஸ்ரீ விஜயேந்திர சரஸ்வதி சுவாமிகள் பாராட்டு

திருப்பதி: காஞ்சி மகாஸ்​வாமி​யின் உபதேச மொழிகளை மக்​களிடம் கொண்டு சேர்ப்​ப​தில் ‘தி இந்​து’ குழு​மத்​தின் பங்கு அளப்​பரியது என்று காஞ்சி சங்கர மடத்​தின் பீடா​திபதி ஸ்ரீ விஜயேந்​திர சரஸ்​வதி சுவாமிகள் பாராட்​டி​யுள்​ளார்.

‘தி இந்​து’ பதிப்பக குழு​மம் சார்​பில் ‘உண்​மை​யின் அவதா​ரம் - காஞ்சி மகாஸ்​வாமி’ நூல் வெளி​யீட்டு விழா, காஞ்சி சங்கர மடத்​தின் திருப்​பதி கிளை​யில் நேற்று முன்​தினம் நடை​பெற்​றது. இரண்டு தொகு​தி​களைக் கொண்ட இந்​நூலை காஞ்சி சங்கர மடத்​தின் 70-வது பீடா​திபதி ஸ்ரீ விஜயேந்​திர சரஸ்​வதி சுவாமிகள் வெளி​யிட்​டார். நூலின் முதல் பிர​தியை தேசிய சம்​ஸ்​கிருத பல்​கலைக்​கழகத்​தின் (திருப்​ப​தி) முது​நிலை பேராசிரியர் தேவ​நா​தாச்​சா​ரி​யார் பெற்​றுக் கொண்​டார். நூலின் இரண்​டாவது பிர​தியை இன்​டக்​ரேட்​டட் என்​டர்​பிரைசஸ் நிறு​வனத்​தின் தலை​வர் பி.​வைத்​ய​நாதன் பெற்​றுக் கொண்​டார்.

நிகழ்ச்​சி​யில் ஸ்ரீ விஜயேந்​திர சரஸ்​வதி சுவாமிகள் வழங்​கிய அனுக்​கிரக பாஷணம்: காஞ்சி மகாஸ்​வாமி​யின் வாழ்க்கை சரித்​திரம் குறித்த நூலை இரண்டு தொகு​தி​களாக, ‘தி இந்​து’ குழு​மம் சில ஆண்​டு​களுக்கு முன்​னர் ஆங்​கிலத்​தில் வெளி​யிட்​டது. அதன் தொடர்ச்​சி​யாக பக்​தர்​களின் வேண்​டு​கோளுக்கு இணங்​கி, தற்​போது அந்த நூலின் தமிழ் பதிப்பை வெளி​யிடு​வது மகிழ்ச்சி அளிக்​கிறது.

காஞ்சி சங்கர மடத்​தின் 68-வது பீடா​திப​தி​யாக ஸ்ரீ சந்​திரசேகரேந்​திர சரஸ்​வதி சுவாமிகள் பட்​டமேற்​றது முதல் அவரது விஜய யாத்​திரை, யாத்​திரைகளின்​போது அவரது செயல்​பாடு​கள், திட்​டங்​கள், அவரது முகாம்​களில் நடை​பெற்ற நிகழ்​வு​கள், சொற்​பொழி​வு​கள், பல்​வேறு இடங்​களில் அவருக்கு கிடைத்த வரவேற்பு குறித்​து, ‘தி இந்​து’ பத்​திரி​கை​யில் வெளி​யிடப்​பட்ட செய்​தி​கள், வெளிவந்த புகைப்​படங்​கள் ஆகிய​வற்​றைத் தொகுத்து ‘தி இந்​து’ பதிப்பக குழு​மம் சார்​பில் ‘உண்​மை​யின் அவதா​ரம் - காஞ்சி மகாஸ்​வாமி’ என்ற நூல் தற்​போது 2 தொகு​தி​களாக தமிழில் வெளி​யிடப்​பட்​டுள்​ளது.

இந்​நூலில் கூடு​தலாக மகாஸ்​வாமி குறித்து என்​னுடைய அனுபவங்​களும், ஸ்ரீ சத்ய சந்​திரசேகரேந்​திர சரஸ்​வ​தி​யின் பீடாரோஹண நிகழ்வு செய்​தி​களும் சேர்க்​கப்​பட்​டுள்​ளன.

சங்கர மடத்​துக்​கு நெருங்​கிய தொடர்பு: காஞ்சி சங்கர மடத்​துக்​கும், ‘தி இந்​து’ குழு​மத்​துக்​கும் நெருங்​கிய தொடர்பு உண்டு. காஞ்சி மகாஸ்​வாமி ‘தி இந்​து’ அலு​வல​கத்​துக்கு விஜ​யம் செய்து ஊழியர்​களுக்கு ஆசி வழங்​கி​யுள்​ளார். மகாஸ்​வாமி​யின் சென்னை விஜ​யத்​தின்​போது, ‘தி இந்​து’ குழு​மம் சிறப்பு வரவேற்பு அளித்​து, தங்​கு​வதற்கு மிகச் சிறந்த ஏற்​பாடு​கள் உள்​ளிட்ட பணி​களை செய்​துள்​ளது.

ஸ்ரீ ஜெயேந்​திர சரஸ்​வதி சுவாமிகளின் சென்னை விஜ​யத்​தின்​போது, கஸ்​தூரி & சன்ஸ் சீனி​வாசன் குடும்​பத்​தினர் சிறப்பு வரவேற்பு அளித்​தனர். அவர்​களின் இல்​லத்​தில் இருந்​து, ஸ்ரீ ஜெயேந்​திர சரஸ்​வதி சுவாமிகள், பட்​டினப்​பிர​வேச பல்​லக்​கில் ஏற்றி மயி​லாப்​பூர் சம்​ஸ்​கிருத கல்​லூரிக்கு அழைத்து செல்​லப்​பட்​டார்.

மகாஸ்​வாமி சென்னை சம்​ஸ்​கிருத கல்​லூரி​யில் 1957-ம் ஆண்டு கால​கட்​டத்​தில் பக்​தர்​கள் மத்​தி​யில் ஆற்​றிய உபதேச மொழி களை ஆவணப்​படுத்​தும் வித​மாக ஆச்​சாரியரின் அழைப்பு (ACHARYA’S CALL) நூல்களை​யும் ‘தி இந்​து’ குழு​மத்​தினர் வெளி​யிட்​டுள்​ளனர். காஞ்சி மகாஸ்​வாமி​யின் உபதேச மொழிகளை மக்​களிடம் கொண்டு சேர்ப்​ப​தில் ‘தி இந்​து’ குழு​மத்​தின் பங்கு அளப்​பரியது. ‘தி இந்​து’ குழு​மத்​தின் தமிழ் பிரிவு ‘இந்து தமிழ் திசை’​யும் சிறப்​பான பணி​களை செய்து வரு​கிறது.

இந்த நூலை வெளிக்​கொண்டு வரு​வதற்​கான முயற்​சிகளை மேற்​கொண்ட கஸ்​தூரி & சன்ஸ் குடும்​பத்​தினர், ‘தி இந்​து’ பதிப்பக குழு​மத்​தைச் சேர்ந்​தவர்​கள் அனை​வருக்​கும் அனைத்து நலன்​களும் கிட்ட காஞ்சி காமாட்சி அம்​மன் அருள்​புரி​வாள். இவ்​வாறு ஸ்ரீ விஜயேந்​திர சரஸ்​வதி சுவாமிகள் அருளுரை வழங்​கி​னார்.

முன்​ன​தாக, இந்த நூலின் பிர​தி​கள் காஞ்​சிபுரம் காமாட்சி அம்​மன் திருப்​பாதங்​களில் வைத்து சிறப்பு பூஜை செய்​யப்​பட்​டது. பின்​னர் ஆதிசங்​கரர் சந்​நி​தி​யில் வைத்​தும், காஞ்சி சங்கர மடத்​தில் உள்ள மகா பெரிய​வர் அதிஷ்​டானத்​தில் வைத்​தும் சிறப்பு பூஜைகள் நடை​பெற்​றன. இந்த நூலின் விலை (2 தொகு​தி​களை​யும் சேர்த்​து) ரூ. 799. தற்​போது 25 % தள்​ளு​படி விலை​யில் ரூ.599-க்கு பெற்​றுக் கொள்​ளலாம். இந்​நூலை பெற விரும்புபவர்கள் தொடர்பு கொள்ள வேண்​டிய லிங்க் >>publications.thehindugroup.com/bookstore மொத்​த​மாக வாங்க விரும்புபவர்​கள் bookstore@thehindu.co.in என்ற மின்​னஞ்​சலில்​ தெரிவிக்​கலாம்​. கூடு​தல் தகவல்​களுக்​கு 18001021878 என்​ற எண்​ணில் தொடர்​பு கொள்​ளலாம்​.