ஜகத்​குரு ஸ்ரீ பாரதி தீர்த்த சுவாமிகளின் பவள​விழா

சென்னை: சிருங்​கேரி ஸ்ரீ சாரதா பீடத்​தின் 36-வது பீடா​திபதி ஜகத்​குரு ஸ்ரீ பாரதி தீர்த்த சுவாமிகளின் 75-வது அவதா​ரத் திரு​நாள் வைபவம், சிருங்​கேரி உள்​ளிட்ட பல இடங்​களில் கொண்​டாடப்​பட்டு வரு​கிறது.

ஸ்ரீ ஆதிசங்​கர​ரால் ஸ்தாபிக்​கப்​பட்ட சிருங்​கேரி ஸ்ரீ சாரதா பீடத்​தின் (சிருங்​கேரி மடம்) 35-வது பீடா​திப​தி​யான ஸ்ரீ அபிநவ வித்யா தீர்த்த சுவாமிகள் தமது சீட​ராக சீதா​ராம ஆஞ்​சநேயலு என்​கிற பிரம்​மச்​சா​ரியை ஏற்​றுக் கொண்​டார். சிறு வயதிலேயே வேதம், சாஸ்​திரம் முதலிய​வற்​றில் நன்குகற்​றுத் தேர்ந்து ஒழுக்க சீல​ராக விளங்​கிய சீடருக்கு 1974-ம் ஆண்டு நவ. 11-ம் தேதி சந்​நி​யாசிரமத்தை முறைப்​படி வழங்கி ‘ஸ்ரீ பாரதி தீர்த்​தர்’ என்​கிற யோகப் பட்​டத்தை வழங்​கி​னார்.

ஸ்ரீ பாரதி தீர்த்த சுவாமிகள் ஆந்​திர மாநிலம் குண்​டூர் மாவட்​டத்​தில் உள்ள அலகுமல்​லிபடு என்னும் கிராமத்​தில் வாழ்ந்த வெங்​கடேஸ்வர அவதானி - அனந்​தலட்​சுமி தம்​ப​திக்கு நல்​மக​னாக 1951-ம் ஆண்டு ஏப். 11-ம் தேதி சிவபெரு​மானின் திரு​வருளால் அவதரித்​தார். சிறு​வய​திலேயே துறவறம் பெற்ற இவர் தமது குரு​நாதர் மூலம் வேத சாஸ்​திரங்​களில் மேற்​படிப்​பை​யும், மடத்​தின் மரபு​களை​யும், நிர்​வாக நுணுக்​கங்​களை​யும் திறம்பட கற்​றறிந்​தார்.

1989-ம் ஆண்டு குரு​நாதர் சித்​தி​யடைந்த பின்​னர் மடத்​தின் மரபுப்​படி 36-வது பீடா​திப​தி​யாக அதே ஆண்டு பொறுப்​பேற்​றார். சிறந்த தவயோகி​யான இவர் தொலைநோக்கு சிந்​தனை​யுடன் மடத்​தின் வளர்ச்​சி​யில் இன்​றள​வும் அதிக கவனம் செலுத்தி வருகிறார். நாட்​டின் பல இடங்​களில் மடத்​தின் கிளை​களை​யும், கோயில், தியானமண்​டபம், வேதபாட​சாலை, கோசாலை, மருத்​து​வ​மனை போன்​றவற்​றை​யும் ஏற்​படுத்​தி​னார்.

சிருங்​கேரி மடத்​தின் வளாகத்தை சீர்​படுத்தி புதி​ய​தாக ‘குருநிவாஸ்’ என்​கிற பெரிய மண்​டபம், பக்​தர்​கள் வசதி​யாக தங்​கு​வதற்கு விடு​தி​கள், தின​மும் இரு​வேளை இலவச​மாக உணவு அருந்த பெரிய அளவி​லான அன்​ன​சாலை, ஸ்ரீ ஆதி சங்​கரருக்கு புதிய பொலிவுடன் தனி​யாக கோயில்ஸ்ரீ சாரதாம்​பாள் கோயில் கோபுரத்​துக்கு தங்க கவசம், தங்​கத் தேர், தங்க வாயில், மடத்​தின் முன்​புறம் பெரியள​வில் ராஜ கோபுரம், ஸ்ரீ ஆதிசங்​கரருக்கு சிருங்​கேரி அருகே சிறிய குன்​றில் மிகப் பெரிய சிலை என்று பல திருப்​பணி​களை உலகம் போற்​றும் வகை​யில் செய்​துள்​ளார்.

மேலும் ஏழை எளியோ​ருக்கு உதவும் வண்​ணம் மடத்​தின் சார்​பில் சமூக, சமு​தாய நற்​பணி​களை முனைப்​புடன் செய்து வரு​கிறார். பன்​மொழி வித்​தக​ரான இவர், தன்னை நாடி வரும் பக்​தர்​களின் மனக்​குறை​களை தீர்த்​து, அவர்​களுக்கு நல்​வழியை காட்​டு​வ​தில் கருணைக் கடல் என்றே சொல்​லலாம். இவரது 75-வது அவதா​ரத் திரு​நாளை (வர்​தந்​தி) முன்​னிட்டு சிருங்​கேரி, கடந்த மாதம் 30-ம் தேதி முதல் விழாக்​கோலம் பூண்​டுள்​ளது.

சிறப்பு உபன்யாசம்: இந்த வைபவத்தை முன்​னிட்டு ஏப். 3-ம் தேதி மாலை 6 மணி அளவில் சென்னை தேனாம்​பேட்டை எல்​டாம்ஸ் சாலை​யில் உள்ள தத்​வலோகா அரங்​கில், ‘குரு வடி​வாக திகழும் தட்​சிணா​மூர்த்​தி’ என்ற தலைப்​பில் பிரம்மஸ்ரீ முனை​வர் மணி திரா​விட் சாஸ்​திரி​கள் உபன்​யாசம் நிகழ்த்த உள்​ளார்.