தை அமாவாசை: ராமேசுவரம், ஸ்ரீரங்கம், பவானியில் புனித நீராடி முன்னோருக்கு திதி கொடுத்த மக்கள்

ராமேசுவரம் / திருச்சி / ஈரோடு: தை அமாவாசையையொட்டி ராமேசுவரம், ஸ்ரீரங்​கம், பவானி உள்ளிட்ட பல்வேறு நீர்​நிலைகளில் லட்சக்​கணக்கான பொதுமக்கள் புனித நீராடினர்.

ராமேசுவரம் ராமநாத சுவாமி கோயி​லில் நேற்று அதிகாலை நடைதிறக்​கப்​பட்டு, சிறப்பு பூஜைகள் நடைபெற்றன. பகல் 12 மணியள​வில் அக்னி தீர்த்தக் கடற்​கரை​யில் ராமர், சீதா, லட்சுமணர் பஞ்சமூர்த்தி​களுடன் எழுந்​தருளி பக்தர்​களுக்கு தீர்த்​தவாரி வழங்கி அருள்​பாலித்​தனர். மாலை​யில் மண்டகப்​படி​யில் தீபாராதனை, இரவு கருட வாகனத்​தில் சுவாமி, அம்பாள் புறப்​பாடு நடைபெற்​றது.

22 தீர்த்தங்களில் நீராடி... தமிழகம் மட்டுமின்றி, கர்நாடகா, கேரளா, தெலங்​கானா, ஆந்திரா உள்ளிட்ட மாநிலங்​களைச் சேர்ந்த பல்லா​யிரக்​கணக்கான மக்கள் அக்னி தீர்த்தக் கடற்கரையில் முன்னோர்​களுக்கு திதி கொடுத்து, ராமநாத சுவாமி கோயி​லில் 22 தீர்த்​தங்​களில் நீராடி, சுவாமி, அம்பாளை தரிசனம் செய்​தனர்.

இதையொட்டி, 500-க்​கும் மேற்​பட்ட போலீ​ஸார் பாது​காப்புப் பணியில் ஈடுபட்​டனர். தமிழகத்​தின் பல்வேறு பகுதி​களில் இருந்​தும் ராமேசுவரத்​துக்கு நேற்று சிறப்புப் பேருந்​துகள் இயக்​கப்​பட்டன.

காவிரி படித்​துறை​யில்... ஸ்ரீரங்கம் அம்மாமண்​டபம் காவிரிப் படித்​துறை​யில் நேற்று அதிகாலை முதலே பல்லா​யிரக்​கணக்​கானோர் ஆற்றில் புனித நீராடி, முன்னோர்​களுக்கு தர்ப்​பணம் செய்​தனர். பின்னர், அருகில் உள்ள கோயில்​களுக்​குச் சென்று சுவாமி தரிசனம் செய்​தனர்.

கூடு​துறை​யில் வழிபாடு: ஈரோடு மாவட்டம் பவானி கூடு​துறை​யில் நேற்று ஈரோடு, கோவை, திருப்​பூர், நாமக்​கல், சேலம் உள்ளிட்ட பல்வேறு மாவட்​டங்​களில் இருந்து வந்திருந்த ஆயிரக்கணக்கானோர் புனித நீராடி, முன்னோர்​களுக்கு திதி கொடுத்​தனர். பின்னர், அங்குள்ள கோயிலில் சங்கமேஸ்​வரரை வழிபட்​டனர். இதையொட்டி 200-க்​கும் மேற்​பட்ட போலீ​ஸார் பாது​காப்புப் பணியில் ஈடுபட்டனர். இதேபோல, மாநிலம் ​முழு​வதும் உள்ள நீர்​நிலைகளில் லட்சக்​கணக்​கானோர் புனித நீராடி, ​தங்களது முன்னோர்​களுக்கு ​திதி ​கொடுத்​தனர்.