திருவூடல் - மறுவூடல் திருவிழா கோலாகலம்: திருவண்ணாமலையில் அண்ணாமலையார் கிரிவலம்

திருவண்ணாமலை: ​திரு​வண்ணாமலை அண்ணா​மலை​யார் கோயி​லில் நடைபெற்ற திரு​வூடல் - மறுவூடல் திரு​விழாவையொட்டி அண்ணா​மலை​யார் நேற்று கிரிவலம் சென்​றார்.

சிவபெரு​மானை மட்டும் பிருங்கி மகரிஷி வணங்​கிய​தால் பார்வதி சினம் கொண்​டார். இதனால், சுவாமி​யுடன், அம்பாளுக்கு ஊடல் ஏற்படு​கிறது. இதையொட்டி, திரு​வூடல் திரு​விழா நடத்​தப்​படு​கிறது. நடப்​பாண்டு திரு​வூடல் திரு​விழா திரு​வண்ணாமலை அண்ணா​மலை​யார் கோயி​லில் நேற்று முன்​தினம் இரவு தொடங்​கியது. சுவாமி​யுடன் ஊடல் அதிக​மான​தால் கோயி​லின் 2-ம் பிரகாரத்​தில் உள்ள தனது சந்நி​திக்கு சென்ற அம்பாள், தாழிட்டுக் கொள்​கிறார். சுவாமி​யும் குமரக் கோயிலுக்கு சென்​று​விடுகிறார். இந்த நிகழ்வுகள் நடத்​தப்​பட்டு, சிறப்பு அபிஷேகம், ஆராதனைகள் நடத்​தப்​பட்டன.

தொடர்ந்து, நேற்று அதிகாலை உண்ணா​முலை அம்மன் சமேத அண்ணா​மலை​யார் கிரிவலம் தொடங்​கியது. 14 கி.மீ. தொலை​வுக்கு கிரிவலம் சென்ற அண்ணா​மலை​யாரை பின்​தொடர்ந்து ஆயிரக்​கணக்கான பக்தர்​களும் கிரிவலம் சென்​றனர். வழியெங்​கும், சுவாமிக்கு மண்டகபடி மற்றும் கற்பூர தீபாராதனை காண்​பித்து பக்தர்கள் வழிபட்​டனர். கிரிவலம் நிறைவு பெற்றதும், திட்டி வாசல் வழியாக சுவாமிகோயிலுக்​குத் திரும்​பினார். தொடர்ந்து, சுவாமிக்​கும், அம்பாளுக்​கும் மறுவூடல் நிகழ்ச்சி நடைபெற்​றது. பின்னர், இருவரும் இணைந்து பக்தர்​களுக்கு அருள்​பாலித்​தனர்.