ஸ்ரீரங்கம் ரங்கநாதர் கோயிலில் நம்பெருமாள் திருக்கைத்தல சேவை: இன்று திருமங்கை மன்னன் வேடுபறி

திருச்சி: ஸ்ரீரங்கம் ரங்கநாதர் கோயி​லில் வைகுண்ட ஏகாதசிப் பெரு​விழா​வில் ராப்​பத்து உற்சவத்​தின் 7-ம் நாளான நேற்று நம்பெரு​மாள் திருக்கைத்தல சேவை நடைபெற்​றது. இதையொட்டி பிற்பகல் 3 மணிக்கு நம்பெரு​மாள் மூலஸ்​தானத்​திலிருந்து புறப்​பட்டு சொர்க்க வாசலை கடந்​தார்.

பின்னர் அங்கிருந்து புறப்​பட்டு மாலை 5.45 மணிக்கு திரு​மாமணி மண்டபத்தை வந்தடைந்​தார். அங்கு திருக்கைத்தல சேவை (நம்​மாழ்​வார் பராங்குச நாயகியான திருக்​கோலத்​தில்) நடைபெற்​றது. அதன்​பின், உபயதாரர் மரியாதை​யுடன் பொது ஜனசேவை நடைபெற்​றது. இரவு 11.30 மணிக்கு திரு​மாமணி மண்டபத்​தில் இருந்து புறப்​பட்டு வீணை வாத்​தி​யத்​துடன் நம்பெரு​மாள் மூலஸ்​தானம் சென்​றடைந்​தார்.

தங்க குதிரை வாகனத்தில்.. ராப்​பத்து உற்சவத்​தின் 8-ம் நாளான இன்று (ஜன.17) திரு​மங்கை மன்னன் வேடுபறி நிகழ்ச்சி நடைபெறுகிறது. இதையொட்டி, மாலை 5 மணிக்கு சந்தனு மண்டபத்​தில் இருந்து நம்பெரு​மாள் தங்க குதிரை வாகனத்​தில் புறப்​பட்டு வையாளி வகையறா கண்டருளுகிறார். இரவு 7.30 மணிக்கு திரு​மாமணி மண்டபம் சென்​றடைகிறார். அங்கு உபயதாரர் மரியாதை​யுடன் பொதுஜன​சேவை நடைபெறுகிறது. இரவு 11 மணிக்கு திரு​மாமணி மண்டபத்​தில் இருந்து புறப்​பட்டு வீணை வாத்​தி​யத்​துடன் நம்பெரு​மாள் நள்ளிரவு 12 மணிக்கு மூலஸ்​தானம் சென்​றடைகிறார்.

விழா​வின் 10-ம் திருநாளான 19–ம் தேதி தீர்த்​தவாரி நடைபெறும். வரும் 20-ம் தேதி நம்மாழ்​வார் மோட்​சம், இயற்பா சாற்றுமறை நிகழ்ச்​சி​யுடன் வை​குண்ட ஏ​காதசி ​விழா நிறைவடைகிறது.