இயக்குநர் கிம் டே-ஜின் இயக்கத்தில் அமேசான் ப்ரைம் ஓடிடி தளத்தில் வெளியாகியிருக்கும் கொரியன் வெப் சீரிஸ்தான் 'தி கிங் ஆஃப் பிக்ஸ்' ( The King of Pigs). இப்போது இரண்டே எபிசோடுகள்தான் வெளிவந்துள்ளன. ஆனால், 55 நிமிடம் ஓடக்கூடிய முதல் எபிசோடும், 45 நிமிடம் ஓடக்கூடிய இரண்டாவது எபிசோடும் பேசியிருப்பது ஏதோ கொரியாவில் நடக்கும் பிரச்சினையைப் பற்றியது அல்ல. நம் அனைவரது பள்ளிக் காலத்து நினைவுகளை பற்றியதுதான்.

பள்ளிக்கூடங்கள்தான் இன்று தமிழகத்தின் தவிர்க்க முடியாத பேசு பொருளாகியிருக்கிறது. அப்படிப்பட்ட பள்ளிப் பருவத்தில் நாம் பார்த்த, பழகிய, கடந்து வந்த, அனுபவித்த ஒரு சில மாணவர்களின் மனதில் விதைக்கப்பட்டிருக்கும் வன்மங்களும், வக்கிரங்களும்தான், 'தி கிங் ஆஃப் பிக்ஸ்' வெப் சீரிஸின் கதைக்களம்.