ப்ரீமியம்
சென்னைக்கு ஏன் தேவை புதிய விமான நிலையம்?

உலகின் வான் பயணங்கள் இன்றைக்கு விரிவடைந்துகொண்டிருக்கின்றன. இந்தியாவின் ஒவ்வொரு மாநிலமும் புதிய முதலீடுகளை ஈர்க்க, வேலைவாய்ப்புகளை உருவாக்க, நவீனத்துவத்தின் உச்சத்தை எட்ட, வான் பாதைகளை அகலப்படுத்துகின்றன. விமான நிலையங்கள் என்பவை வெறும் பயண முனையங்கள் அல்ல; அவை ஒரு நாட்டின் பொருளாதார நரம்புகள், உலகளாவிய இணைப்பின் பாலங்கள்; எதிர்கால வளர்ச்சிக்கு அடித்தளம் இடும் சக்தி மையங்கள்.

இந்தியப் பொருளாதாரத்தின் இதயமாகச் செயல்படும் சென்னையின் விமான நிலையம் எப்படி இருக்கிறது? இந்திய விமான நிலையங்​களின் எண்ணிக்கை, பயணிகள் - சரக்குப் போக்கு​வரத்து ஆகியவை கடந்த தசாப்​தத்தில் கணிசமாக அதிகரித்​துள்ளன. 2014இல் 74ஆக இருந்த விமான நிலையங்​களின் எண்ணிக்கை 2023இல் 148ஆக இரு மடங்கு ஆகி​யுள்ளது.