ப்ரீமியம்
மாநில சுயாட்சி வேண்டுமா, வேண்டாமா?

மாநில சுயாட்சியை வலியுறுத்தி தமிழக சட்டப்பேரவையில் ஒரு தீர்மானத்தை முதலமைச்சர் மு.க.ஸ்டாலின் கொண்டு வந்திருக்கிறார். தீர்மானத்தை பாஜக எதிர்த்திருக்கிறது. தேசியக் கட்சிகளான இந்தியக் கம்யூனிஸ்ட் கட்சி, மார்க்சிஸ்ட் கம்யூனிஸ்ட் கட்சி, காங்கிரஸ் கட்சி ஆகியவை வரவேற்றுள்ளன. மாநிலக் கட்சியான அதிமுக புறக்கணித்திருக்கிறது. இது விநோதமான காட்சி.

மாநிலக் கட்சிகள் உதயம்: நாடு முழுவதும் கடந்த 40 ஆண்டு​களில் ஏராளமான மாநிலக் கட்சிகள் உருவாயின; பல மாநிலங்​களில் அந்த மாநிலக் கட்சிகளே ஆட்சியைக் கைப்பற்றியும் இருக்​கின்றன. அவற்றுள் சில தேசியக் கட்சிகளாக ஏற்கப்​பட்​டாலும் - தேசியம், அகில இந்திய, பாரதிய என்கிற தேசிய அடையாளங்​களுக்கான பெயர்​களைச் சூட்டிக்​கொண்​டாலும் - மாநிலக் கட்சிகளாகவே இயங்கு​கின்றன. இந்நிலை​யில், மத்திய ஆட்சிப் பொறுப்பில் எதிர்​காலத்தில் ஒரு கட்சி மட்டுமே ஆட்சி புரிவது அரிதாகவே அமையும்.