ப்ரீமியம்
கிறிஸ்டின்சென்: அறியப்படாத சமூக ஊடக முன்னோடி!

தொழில்நுட்ப எழுத்தாளர்: வார்ட் கிறிஸ்​டின்சென் (Ward Christensen) அமைதியாக இறந்திருக்​கிறார். அவரது மறைவு குறித்துக் குறும்ப​திவுகளோ, குறும் காணொளிகளோ அதிகம் இல்லாமல், சமூக ஊடகத்தின் பேசுபொருளா​காமல் போனதை நம் காலத்து முரண் என்றுதான் சொல்ல வேண்டும். புகழ் வெளிச்​சத்தை நாடாதவ​ராகவே வாழ்ந்து மறைந்த, தனது கண்டு​பிடிப்​புக்காக ஒருபோதும் மார்தட்​டிக்​கொள்ளும் இயல்பைக் கொண்டிராத கிறிஸ்​டின்சென் இதைப் பொருட்​படுத்​தி​யிருக்க மாட்டார் என்பது மட்டும் அல்ல, தனது மரணம் தொடர்பான பரபரப்​பின்மையை விரும்பவே செய்திருப்​பார்.

அதுவே அவரது இயல்பு. தன்னைவிட, தனது கண்டு​பிடிப்பு தொடர்​பாகவே மற்றவர்கள் பேசுவதை கிறிஸ்​டின்சென் விரும்​பியிருக்​கலாம்​. எனினும், ‘பிபிஎஸ். கண்டு​பிடிப்​பாளரும் நம் ஆன்லைன் யுகத்தை வடிவமைத்​தவருமான கிறிஸ்​டின்சென் மரணம்’ என்னும் ‘அர்ஸ் டெக்னிகா’ தொழில்​நுட்பச் செய்தித் தளத்தின் இரங்கல் செய்தியின் தலைப்பே அவரைப் பற்றிக் கச்சிதமாக உணர்த்தி​விடு​கிறது.