ப்ரீமியம்
எளியவர்களையும் செதுக்கிய லயோலா

லயோலா கல்லூரியில் நான் படித்துக்கொண்டிருந்தபோது ஒரு நாள் விடுதிக் காப்பாளராக இருந்த அருள்தந்தை ஒருவர், என்னை அழைத்து, “சுதந்திர தின விழாவில் உன் வகுப்பு சார்பாக, நான் எழுதிக் கொடுப்பதை நீ மேடையில் ஏறிப் பேச வேண்டும்” எனப் பணித்தார்.

கட்டாயத்தின் பேரில் நான் மேடை ஏறியபோது பலர் கேலியாகச் சிரித்தார்கள். எனினும், நான் சிறப்பாகவே பேசினேன். எனக்குக் கிடைத்த கைத்தட்டல்கள் அதை உறுதிப்படுத்தின. அந்த வாய்ப்பை அவர் கொடுத்திருக்காவிட்டால், எனது திறமைகளை அன்றைக்கு நான் அறிந்திருக்க மாட்டேன்.