டெல்லி குண்டுவெடிப்பு விவகாரம்: டெட் டிராப் இ-மெயில் பயன்படுத்திய தீவிரவாதிகள்

புதுடெல்லி: டெட் டிராப் இ-மெ​யில்​களை தீவிர​வா​தி​கள் பயன்​படுத்​தி​யது கண்டுபிடிக்கப்பட்டுள்ளது.

டெல்லியில் கடந்த 10-ம் தேதி நடந்த கார் குண்​டு​வெடிப்​பில் 13 பேர் உயி​ரிழந்​தனர். இது தொடர்​பான விசா​ரணை​யில், வெடிபொருளு​டன் கூடிய அந்த காரை ஜம்மு காஷ்மீரின் புல்​வாமா பகு​தியை சேர்ந்த மருத்​து​வர் உமர் முகமது நபி ஓட்டி வந்​தது தெரிய​வந்​தது.

இதுதொடர்​பாக மருத்​து​வர்​கள் முஜம்​மில் ஷகீல், ஆதில், ஷாஹீத் சயீத் உள்​ளிட்​டோரை போலீ​ஸார் கைது செய்தனர். இந்த சம்​பவத்​தில் ஈடு​பட்ட தீவிர​வாத கும்​பலைச் சேர்ந்த அனை​வரும் தங்​களுக்​குள் ஒரு​வரை ஒரு​வர் தொடர்​பு​கொள்ள ஒரே முகவரி கொண்ட (டெட் டிராப்) இமெ​யில்​களை பயன்​படுத்​தி​யுள்​ளனர் என என்ஐஏ அதி​காரி​கள் தெரிவிக்​கின்​றனர்.

ஒரே முகவரி கொண்ட இமெ​யிலை தீவிர​வாதக் குழு​வினர் பயன்​படுத்​து​வர். அந்த இமெ​யில் முகவரி, பாஸ்​வேர்ட் விவரங்​களை தீவிர​வாத குழு​வைச் சேர்ந்த அனை​வரும் அறிந்து வைத்​திருப்​பர். தகவல்​களை பரி​மாறிக் கொள்ள அந்த இமெயி​லில் டைப் செய்​து​விட்டு மெயிலை அனுப்​பாமல் அதை அப்​படியே குளோஸ் செய்​து​விடு​வர்.

இந்த விவரங்​களை தீவிர​வாதக் குழு​வில் உள்ள மற்ற தீவிர​வா​தி​கள் ஓப்​பன் செய்து பார்த்​து​விட்​டு, விவரங்​களைப் பெற்​றுக் கொள்​வர். மேலும் அதில் கூடு​தல் தகவல்​களைப் பதிவு செய்​ய​வேண்​டுமென்​றாலும் டைப் செய்​து​விட்டு அப்படியே விட்​டு​விடு​வர். தீவிர​வாதக் குழு​வினர் பயன்​படுத்​தும் இதை டெட் டிராப் இமெ​யில் என அழைக்​கின்​றனர். வழக்கமாக உளவுத் துறையினர் கடைபிடிக்கும் இந்த பாணியை டெல்லி குண்​டு​வெடிப்பு சம்​பவத்தை அரங்​கேற்​றிய நபர்​களும் பயன்​படுத்​தி​யுள்​ளனர் என என்ஐஏ அதி​காரி​கள் தெரி​வித்​துள்​ளனர்​.

புதிய புகைப்​படம் வெளி​யீடு: இதனிடையே வெடிகுண்டு சம்​பவத்தை அரங்​கேற்​றிய மருத்​து​வர் உமர் முகமது​வின் புதிய புகைப்​படத்​தை​யும் போலீ​ஸார் நேற்று வெளி​யிட்​டனர். ஹரி​யா​னா​வின் பரி​தா​பாத்​தி​லுள்ள ஒரு கடை​யில் பதி​வாகி​யிருந்த வீடியோ பதி​விலிருந்து இந்த புகைப்​படத்தை என்ஐஏ அதி​காரி​கள் எடுத்​துள்​ளனர். அந்த வீடியோ பதி​வில் 2 செல்​போன்​களு​டன் உமர் முகமது காணப்​படு​கிறார். இதையடுத்து வி​சா​ரணை​யை என்​ஐஏ அதி​காரி​கள்​ தீவிரப்​படுத்​தி​யுள்​ளனர்​.