டெல்லி கார் குண்டு தாக்குதலுக்கு பயன்படுத்தப்பட்ட அம்மோனியம் நைட்ரேட்

புதுடெல்லி: டெல்லி கார் குண்​டு​வெடிப்பு தாக்​குதலுக்கு அம்​மோனி​யம் நைட்​ரேட் வெடிபொருள் பயன்​படுத்​தப்​பட்​டிருப்​பது விசா​ரணை​யில் தெரிய​வந்​துள்​ளது.

இதுகுறித்து டெல்லி போலீ​ஸார் கூறிய​தாவது: பொது​வாக அம்​மோனி​யம் நைட்​ரேட் வேளாண் உரமாக பயன்​படுத்​தப்​படு​கிறது. மத்​திய அரசின் மானிய உதவி​யுடன் சந்​தை​யில் ஒரு கிலோ அம்​மோனி​யம் நைட்​ரேட் ரூ.20 முதல் ரூ.30-க்கு விற்​பனை செய்​யப்​படு​கிறது. பெயின்ட், ஜெல் ஆகிய​வற்​றின் தயாரிப்​பிலும் அம்​மோனி​யம் நைட்​ரேட் பயன்​படுத்​தப்​படு​கிறது. உரம், ஆலை பயன்​பாடு காரண​மாக இது சந்​தை​யில் தாராள​மாக கிடைக்​கிறது. சுமார் 94% அம்​மோனி​யம் நைட்​ரேட் உடன் 6 சதவீத எரிபொருளை கலந்​தால் அது சக்​தி​வாய்ந்த வெடிபொருளாக மாறுகிறது. இந்த தொழில்​நுட்​பத்தை பயன்​படுத்தி சுரங்​கங்​களில் பாறை​கள் தகர்க்​கப்​படு​கின்​றன.

டெல்லி கார் குண்​டு​வெடிப்​பில் அம்​மோனி​யம் நைட்​ரேட் வெடிபொருளாக பயன்​படுத்​தப்​பட்​டிருப்​பது முதல்​கட்ட விசா​ரணை​யில் தெரிய​வந்து உள்​ளது. இது வெடிக்​கும்​போது காற்​றில் கலந்து ஆரஞ்சு நிற புகை உரு​வாகும். டெல்லி குண்​டு​வெடிப்​பில் ஆரஞ்சு நிற புகை எழுந்​திருக்​கிறது. மேலும் தடய​வியல் சோதனை​யிலும் அம்​மோனி​யம் நைட்​ரேட் பயன்​படுத்​தப்​பட்​டிருப்​பது உறுதி செய்​யப்​பட்டு இருக்​கிறது.

கடந்த 1985-ம் ஆண்​டில் டெல்​லி​யில் தொடர் குண்​டு​வெடிப்​பு​கள் நிகழ்த்​தப்​பட்​டன. இந்த குண்​டு​வெடிப்​பில் அம்​மோனி​யம் நைட்​ரேட் பயன்​படுத்​தப்​பட்​டது. இதே​போல 2010-ம் ஆண்டு புனே குண்​டு​வெடிப்​பு, 2007-ல் ஹைத​ரா​பாத் குண்​டு​வெடிப்​பிலும் அம்​மோனி​யம் நைட்​ரேட் பயன்​படுத்​தப்​பட்​டது. சர்​வ​தேச அளவில் கடந்த 1995-ம் ஆண்டு அமெரிக்​கா​வின் ஒக்​லாமா நகரில் 1,800 கிலோ அம்​மோனி​யம் நைட்​ரேட்டை பயன்​படுத்தி மிகப்​பெரிய குண்​டு​வெடிப்பு நிகழ்த்​தப்​பட்​டது. இதில் 168 பேர் உயி​ரிழந்​தனர். கடந்த 2020-ல் லெப​னான் தலைநகர் பெய்​ரூட்​டில் 3,000 கிலோ அம்​மோனி​யம் நைட்​ரேட்டை பயன்​படுத்தி மிகப்​பெரிய குண்​டு​வெடிப்பு நிகழ்த்​தப்​பட்​டது. இதில் 200 பேர் உயி​ரிழந்​தனர்.

டெல்லி தாக்குதலில் சுமார் 100 கிலோ அம்​மோனி​யம் நைட்​ரேட் பயன்​படுத்​தப்​பட்டு இருக்​கலாம் என்று கணக்​கிட்டு உள்​ளோம். இவ்​வாறு டெல்லி போலீ​ஸார்​ தெரி​வித்​தனர்​.