பிஹார் தேர்தலில் பெண் வேட்பாளர்கள் எண்ணிக்கை சரிவு

புதுடெல்லி: பிஹார் சட்​டப்​பேர​வைத் தேர்​தலில் பெண்​களின் வாக்கு சதவீதம் அதி​க​மாக உள்​ளது. எனவே, அரசி​யல் கட்​சிகள் பெண் வாக்​காளர்​களைக் கவர பல்​வேறு வியூ​கங்​களை வகுத்து செயல்​படு​கின்​றன.

ஆனால், தேர்​தலில் போட்​டி​யிடும் விஷ​யத்​தில் பெண்​களுக்கு அந்​தளவுக்கு வாய்ப்​பளிப்​ப​தில்​லை. இந்த தேர்​தலில் 2,357 ஆண் வேட்​பாளர்​கள் களத்​தில் உள்​ளனர். ஆனால், பெண் வேட்​பாளர்​கள் 258 மட்​டுமே. கடந்த 15 ஆண்​டு​களில் இந்த முறை​தான் குறைந்த எண்​ணிக்​கை​யில் பெண் வேட்​பாளர்​களை அனைத்து அரசி​யல் கட்​சிகளும் களமிறக்கி உள்​ளன.

பாஜக 13, காங்​கிரஸ் 5, ஐக்​கிய ஜனதா தளம் (ஜேடி​யு) 13, ராஷ்டிரிய ஜனதா தளம் (ஆர்​ஜேடி) 23 என பெண் வேட்​பாளர்​களை நிறுத்​தி​யுள்​ளது. தேர்​தல் வியூக நிபுணர் பிர​சாந்த் கிஷோரின் ஜன் சூராஜ் கட்​சி​யில் 25, உத்தர பிரதேச முன்​னாள் முதல்​வர் மாயா​வ​தி​யின் பிஎஸ்பி சார்​பில் 26 பெண் வேட்​பாளர்​கள் போட்​டி​யிடு​கின்​றனர். கடந்த 2020 சட்​டப்​பேர​வைத் தேர்​தலில், 370 பெண் வேட்​பாளர்​களில் 26 பேர் வெற்றி பெற்​றனர்.

கடந்த 2020 தேர்​தலில் 22 பெண்​களுக்கு தேர்​தலில் போட்​டி​யிட சீட் வழங்​கியது ஜேடி​யு. இந்த முறை வெறும் 13 பெண்​களுக்கு மட்​டுமே ஜேடியு வாய்ப்​பளித்​துள்​ளது. கடந்த 2015-ல் 9 பெண்​களுக்கு வாய்ப்​பளித்த ஆர்​ஜேடி, இந்த தேர்​தலில் 23 பெண்​களுக்கு தேர்​தலில் போட்​டி​யிட வாய்ப்​பளித்​துள்​ளது.

பாஜக கடந்த 3 தேர்​தல்​களி​லும் சராசரி​யாக ஒரே நிலை​யைத் தக்க வைத்​துக் கொண்​டுள்​ளது. சிபிஐ(எம்​எல்) 2015 முதல் குறிப்​பிடத்​தக்க சரிவைக் கண்​டுள்​ளது. காங்​கிரஸும் நிலை​யான சரிவைக் கண்​டுள்​ளது.

2020 சட்​டப்​பேர​வைத் தேர்​தலில், பாஜக பெண் வேட்​பாளர்​கள் 69 சதவீதம் பேர் வெற்றி பெற்​றனர். மேலும் ஆர்​ஜேடி 44, காங்​கிரஸ் 29 மற்​றும் ஜேடியு 27 என்ற சதவீதத்​தில்​ பெண்​கள்​ வெற்​றி பெற்​றனர்​. பிஹாரில் என்டிஏ கூட்டணி அரசு பெண்களுக்கான பல நலத்திட்டங்களை அறிவித்துள்ளது குறிப்பிடத்தக்கது.