குஜராத் மாநிலத்தில் புதிய அமைச்சரவை: ஜடேஜாவின் மனைவி ரிவாபா உட்பட 21 பேர் பதவியேற்பு

காந்தி நகர்: குஜ​ராத் பாஜக அரசின் புதிய அமைச்​சரவை நேற்று பதவி​யேற்​றது. கிரிக்​கெட் வீரர் ரவீந்​திர ஜடேஜா​வின் மனைவி ரிவாபா உட்பட 21 பேர் பதவி​யேற்​றனர்.

குஜ​ராத்​தில் முதல்​வர் பூபேந்​திர படேல் தலை​மையி​லான பாஜக அரசு ஆட்​சி​யில் உள்​ளது. இந்​நிலை​யில் முதல்​வர் பூபேந்​திர படேலை தவிர்த்து குஜ​ராத் அமைச்​சர்​கள் 16 பேரும் நேற்று முன்​தினம் பதவி வில​கினர். இவர்​களில் கனு​பாய் மோகன்​லால் தேசாய், ருஷிகேஷ் கணேஷ்​பாய் படேல், குன்​வர்​ஜி​பாய் மோகன்​பாய் பவாலி​யா. பர்​ஷோத்​தம்​பாய் சோலங்கி ஆகிய 4 பேரை தவிர மற்ற அனை​வரின் ராஜி​னா​மாவை முதல்​வர் ஏற்​றுக்​கொண்​டார்.

இதையடுத்து குஜ​ராத் ஆளுநர் ஆச்​சார்ய தேவ்​ரத்தை முதல்​வர் பூபேந்​திர படேல் சந்​தித்​து புதிய அமைச்​சர்​கள் பட்​டியலை அளித்​தார்.

இந்​தப் பட்​டியல் நேற்று காலை​யில் வெளி​யானது. இதில் கிரிக்​கெட் வீரர் ரவீந்​திர ஜடேஜா​வின் மனைவி ரிவாபா ஜடேஜா, ஸ்வரூப்ஜி தாக்​கூர், பிர​வீன்​கு​மார் மாலி, ருஷிகேஷ் படேல், தர்​ஷ்னா வகேலா, குன்​வர்ஜி பவாலியா உள்​ளிட்ட 21 பேர் இடம் பெற்​றிருந்​தனர்.

இதையடுத்து காந்​திநகரில் நடை​பெற்ற விழா​வில் 21 பேரும் அமைச்​சர்​களாக பதவி​யேற்​றனர். இவர்​களுக்கு ஆளுநர் ஆச்​சார்ய தேவ்​ரத் பதவிப் பிர​மாணம் செய்​து​வைத்​தார். விழா​வில் பாஜக தலை​வரும் மத்​திய அமைச்​சரு​மான ஜே.பி.நட்டா பங்​கேற்​றார்.

புதிய அமைச்​சர்​களில் 19 பேர் புது​முகங்​கள் ஆவர். முந்​தைய அமைச்​சர​வை​யில் இடம்​பெற்​றிருந்த ஹர்ஷ் சங்​கவி துணை முதல்​வ​ராக நியமிக்​கப்​பட்​டுள்​ளார். புதிய அமைச்​சர்​களுக்​கான துறை​கள் இன்​னும் அறிவிக்​கப்​பட​வில்​லை.

யார் இந்த ரிவாபா? - பிரபல இந்​திய கிரிக்​கெட் வீரர் ரவீந்​திர ஜடேஜா​வின் மனை​வி​தான் இந்த ரிவாபா ஜடேஜா. இவர் கடந்த 2019-ம் ஆண்டு பாஜக​வில் சேர்ந்​தார். பின்​னர் 2022-ல் குஜ​ராத் சட்​டப்​பேரவை தேர்​தலில் ஜாம்​நகர் வடக்கு தொகுதியில் போட்டியிட்டு 50,000-க்​கும் மேற்​பட்ட வாக்​கு​கள் வித்​தி​யாசத்​தில் ஆம் ஆத்மி கட்​சி​யின் கர்​ஷன்​பாய் கர்​மூரை தோற்​கடித்​தார். 2024-ம் ஆண்டில், ரவீந்திர ஜடேஜா​வும் பார​திய ஜனதா கட்சியில் இணைந்தார்.