எச்ஏஎல் நாசிக் மையத்தில் தயாரான தேஜஸ்-1ஏ போர் விமானத்தின் முதல் பறக்கும் சோதனை முடிந்தது

நாசிக்: எச்​ஏஎல் நிறு​வனத்​தின் நாசிக் மையத்​தில் தயாரிக்​கப்​பட்ட முதல் தேஜஸ்-1ஏ ரக போர் விமானம் தனது முதல் பறக்​கும் சோதனையை நிறைவு செய்​தது.

இந்​துஸ்​தான் ஏரோ​னாடிக்ஸ் நிறு​வனத்​துக்கு (எச்​ஏஎல்) பெங்​களூருவில் இரண்டு விமான தயாரிப்பு நிலை​யங்​கள் உள்​ளன. இந்​நிலை​யில் ஆண்​டுக்கு 8 போர் விமானங்​கள் தயாரிக்​கும் வகை​யில் 3-வது விமான தயாரிப்பு மையம் மகா​ராஷ்டிரா மாநிலம் நாசிக்​கில் அமைக்​கப்​பட்​டது.

எச்​ஏஎல் நிறு​வனத்​திடம் தேஜஸ் 1ஏ ரக போர் விமானங்​கள் தயாரிக்க இந்​திய விமானப்​படை ஆர்​டர் கொடுத்​துள்​ளது. தேஜஸ் 1ஏ ரக போர் விமானம் நடு​வானில் எரிபொருள் நிரப்​பும் வசதி​யுடன் தயாரிக்​கப்​படு​கிறது. இந்த ரக விமானத்​தில் பொருத்​து​வதற்​கான ஜிஇ எப்​404 இன்​ஜின்​கள் வாங்க கடந்த 2021-ம் ஆண்டு ரூ.5,375 கோடிக்கு எச்​ஏஎல் நிறு​வனம் ஒப்​பந்​தம் செய்​திருந்​தது. ஆனால் அமெரிக்க நிறு​வனம் இது​வரை 4 இன்​ஜின்​களை மட்​டுமே வழங்​கி​யுள்​ளது. அடுத்​தாண்டு மார்ச் மாதத்​துக்​குள் கூடு​தலாக 8 இன்​ஜின்​களும், அதன்​பின் ஆண்​டுக்கு 20 இன்​ஜின்​களை வழங்​கு​வ​தாகவும் உறு​தி​யளிக்​கப்​பட்​டுள்​ளது. இந்த தாமதத்​தால் எச்​ஏஎல் நிறு​வனம் தேஜஸ் 1ஏ விமான தயாரிப்​பும் தாமத​மாகிறது.

இந்​நிலை​யில், நாசிக் மையத்​தில் தயா​ரான தேஜஸ் 1ஏ போர் விமானத்​தின் முதல் பறக்​கும் சோதனை நேற்று நிறைவடைந்​தது. அப்​போது அந்த விமானத்​துக்கு வாட்​டர் சல்​யூட் அடித்து வரவேற்பு அளிக்​கப்​பட்​டது. இதை பாது​காப்பு அமைச்​சர் ராஜ்​நாத் சிங் பார்​வை​யிட்​டார். அதற்கு முன்​பாக இலகு ரக போர் விமானம் மற்​றும் எச்​டிடி-40 பயிற்சி விமானம் ஆகிய​வற்​றின் தயாரிப்பு மையத்​தை​யும் அவர் திறந்து வைத்​தார்.

தேஜஸ் 1ஏ போர் விமானத்​தில் ரேடார் மற்​றும் ஆயுத சோதனை​கள் முடிவடைந்​தவுடன்​ அந்​த வி​மானம்​ வி​மானப்​படை​யில்​ இணைக்​கப்​படும்​.