பிஹாரில் 100 இடங்களில் ஒவைசி கட்சி போட்டி

பாட்னா: எ​திர்​வரும் பிஹார் சட்​டப்​பேரவைத் தேர்​தலில் சுமார் 100 இடங்​களில் போட்​டி​யிட அசாதுதீன் ஒவைசி​யின் ஏஐஎம்​ஐஎம் கட்சி திட்​ட​மிட்​டுள்​ளது.

இதுகுறித்து அக்​கட்​சி​யின் பிஹார் மாநிலத் தலை​வர் அக்​தருல் இமான் கூறிய​தாவது: பிஹார் அரசி​யல் பல ஆண்​டு​களாக பாஜக தலை​மையி​லான கூட்​டணி மற்​றும் காங்​கிரஸ்​-ஆர்​ஜேடி கூட்​டணி பற்​றிய​தாகவே உள்​ளது. எனவே நாங்​கள் மூன்​றாவது மாற்று அணி அமைக்க விரும்​பு​கிறோம். எதிர்​வரும் பிஹார் தேர்​தலில் சுமார் 100 இடங்​களில் போட்​டி​யிட திட்​ட​மிட்​டுள்ளோம். இதனால் இரு அணி​களும் எங்​கள் இருப்பை உணர வேண்​டிய கட்​டா​யம் ஏற்​படும்.

ஆர்​ஜேடி தலை​வர்​கள் லாலு பிர​சாத், தேஜஸ்வி யாதவ் ஆகியோ​ருக்கு கூட்​ட​ணிக்கு விருப்​பம் தெரி​வித்து நான் கடிதம் எழு​தினேன். ஆனால் எந்த பதி​லும் வரவில்​லை. கடந்த 2020 தேர்​தலில் மதச்​சார்​பற்ற வாக்​கு​களை பிரித்ததாக ஆர்ஜேடி கூட்​டணி எங்கள் மீது குற்​றம் சாட்​டியது. இனி அவ்​வாறு குற்​றம் சுமத்த முடி​யாது. மூன்​றாவது அணி தொடர்​பாக ஒத்​தக் கருத்து கொண்ட கட்​சிகளு​டன் பேச்​சு​வார்த்தை நடத்தி வரு​கிறோம். இவ்​வாறு அவர் கூறி​னார்.