200 வகை துப்பாக்கிகளுக்கு ஆயுத பூஜை செய்த உ.பி. எம்எல்ஏ

புதுடெல்லி: உ.பி.​யின் குற்​றப் பின்​னணி கொண்ட அரசி​யல்​வா​தி​களில் ஒரு​வர் ராஜா பைய்யா என்​கிற ராகு​ராஜ் பிர​தாப் சிங். பிர​தாப்​கரை சேர்ந்த இவர் 1993 முதல் 2018 வரை தொடர்ந்து சுயேச்சை எம்​எல்​ஏ​வாக இருந்​தார். உ.பி.​யில் ஆட்​சிக்கு வரும் கட்சி எதி​லும் சேராமலேயே அதன் அமைச்​சர​வை​யில் இடம்​பெறும் அளவுக்கு அரசி​யல் செல்​வாக்கு கொண்​ட​வர்.

இவ்​வாறு, பாஜக, பகுஜன் சமாஜ், சமாஜ்​வாதி ஆகிய கட்​சிகளின் அரசில் அமைச்​ச​ராக இருந்​தார். 2018-ல் ஜன்​சத்தா தளம் என்ற தனிக் கட்சி தொடங்கி அதன் சார்​பில் பிர​தாப்​கர் மாவட்​டம் குண்டா தொகுதி எம்​எல்​ஏ​வாக தொடர்​கிறார். ராஜா பைய்யா நேற்று முன்​தினம் தனது மாளி​கை​யில் ஆயுத பூஜை கொண்​டாடி​னார். இதில் சுமார் 200 வகை உள்​நாட்டு மற்​றும் வெளி​நாட்டு துப்​பாக்​கி​கள் இடம் பெற்​றிருந்​தன. இவற்றை காண ஏராள​மானோர் கூடினர். அவர்​கள் பதிவுசெய்த காட்​சிகள் வைரலாகி பார்ப்​பவரை திகைக்க வைத்​துள்​ளன.

இவரது மனைவி பனவி குமாரி சிங் கருத்து வேறு​பாடு காரண​மாக பிரிந்து வாழ்​கிறார். இவர் கடந்த ஜூன் 3-ம் தேதி பிரதமர் அலு​வல​கத்​துக்கு ஒரு கடிதம் எழு​தி​னார். அதில் தனது கணவர் ராஜா பைய்யா சட்​ட​விரோத வெளி​நாட்டு ஆயுதங்​களை வைத்​திருப்​ப​தாக​வும், பொது அமை​திக்கு அவை அச்​சுறுத்​தலாக இருப்​ப​தாக​வும் குற்​றம் சாட்​டி​யிருந்​தார். இதற்கு அப்​போது மறுப்பு தெரி​வித்த ராஜா பைய்யா இப்​போது அவற்றை பூஜைக்​காக காட்​சிப்​படுத்தி உள்​ளார்.

இந்த ஆயுதங்​கள் அனைத்​தும் தன்​னுடையது மட்​டுமின்றி குடும்​பத்​தினர் மற்​றும் ஆதர​வாளர்​களு​டையது என்று தெரி​வித்​துள்​ளார் ராஜா பைய்​யா. அவரது நெருங்​கிய கூட்​டாளி​யும் உ.பி. எம்​எல்​சி​யு​மான அக ஷ்ய் பிர​தாப் சிங், ‘‘இந்த ஆயுதங்​கள் சட்​ட​விரோத​மானவை அல்ல. அனைத்​தும் உரிமம் பெற்​றவை’’ என்று கூறி​யுள்​ளார். கடந்த வருடம் லக்​னோவுக்கு ஒரு படப்​பிடிப்​புக்கு சென்​றிருந்த நடிகர் ரஜினி​காந்த், தனது நண்​பர் எனக் கூறி ராஜா பைய்​யாவை அவரது வீட்​டில்​ சந்​தித்​தது நினைவுகூரத்​தக்​கது.