யாசின் மாலிக் மீது கருணை காட்ட வேண்டும்: அமைச்சர் அமித் ஷாவுக்கு பிடிபி தலைவர் மெகபூபா கடிதம்

ஸ்ரீநகர்: காஷ்மீரின் ஸ்ரீநகரை சேர்ந்​தவர் யாசின் மாலிக் (59). கடந்த 1977-ம் ஆண்டு ஜம்மு காஷ்மீர் விடு​தலை முன்​னணி (ஜேகேஎல்​எப்) என்ற தீவிர​வாத அமைப்பை அவர் தொடங்​கி​னார். பல்​வேறு தீவிர​வாத செயல்​களில் ஈடு​பட்​டார்.

கடந்த 1989-ம் ஆண்டு டிசம்​பரில் அப்​போதைய மத்​திய உள்​துறை அமைச்​சர் முப்தி முகமது சையது​வின் மகள் ரூபி​யாவை கடத்தி​னார். கடந்த 1990-ம் ஆண்டு ஸ்ரீநகரில் ஜேகேஎல்​எப் நடத்​திய தாக்​குதலில் 4 விமானப்​படை வீரர்​கள் உயி​ரிழந்​தனர்.

கடந்த 1994-ம் ஆண்டு ஆயுத போராட்​டத்தை கைவிட்ட யாசின் மாலிக் ஜனநாயக பாதைக்கு திரும்​பி​னார். அவர் மீது பல்​வேறு வழக்​கு​கள் நிலு​வை​யில் இருந்த நிலை​யில் கடந்த 2019-ம் ஆண்டு அக்​டோபரில் கைது செய்​யப்​பட்​டார்.

தீவிர​வாதத்​துக்கு நிதி​யுதவி செய்த வழக்​கில் கடந்த 2022-ம் ஆண்​டில் டெல்லி நீதி​மன்​றம் அவருக்கு ஆயுள் தண்​டனை விதித்​தது. ரூபியா கடத்​தல் வழக்​கு, விமான படை வீரர்​கள் கொலை உட்பட பல்​வேறு வழக்​கு​கள் தொடர்​பாக தொடர்ந்து விசா​ரணை நடை​பெற்று வரு​கிறது.

இந்த சூழலில் காஷ்மீரை சேர்ந்த மக்​கள் ஜனநாயக கட்சி (பிடிபி) தலை​வரும், ரூபி​யா​வின் சகோ​தரி​யு​மான மெகபூபா முப்தி மத்திய உள்​துறை அமைச்​சர் அமித் ஷாவுக்கு கடிதம் எழு​தி​யுள்​ளார்.

அதில் கூறி​யிருப்​ப​தாவது: வன்​முறையை கைவிட்டு அமைதி பாதைக்கு திரும்​பிய யாசின் மாலிக் மீது 32 தடா வழக்​கு​கள் நிலு​வை​யில் உள்​ளன. அனைத்து வழக்​கு​களி​லும் அவருக்கு ஜாமீன் வழங்​கப்​பட்​டது. முந்தைய பாஜக, காங்கிரஸ் ஆட்சிக் காலத்தில் அவர் கைது செய்யப்படவில்லை. ஆனால் கடந்த 2019-ம் ஆண்​டில் நிலைமை தலைகீழாக மாறியது.

அமைதி பாதைக்கு திரும்​பிய யாசின் மாலிக் மீது தீவிர​வாதி என்ற முத்​திரை குத்​தப்​பட்​டது. தற்​போது அவருக்கு ஆயுள் தண்​டனை விதிக்​கப்​பட்டு உள்​ளது. அவருக்கு மரண தண்​டனை விதிக்​கப்​பட​வும் வாய்ப்பு இருக்​கிறது. நீண்ட கால​மாக அவர் அமைதி வழியை பின்​பற்றி வரு​கிறார். மனி​தாபி​மான அடிப்​படை​யில் அவரது வழக்​கு​களை மறு​பரிசீலனை செய்ய வேண்​டும். அவர் மீது கருணை காட்ட வேண்​டும். இவ்​வாறு அவர் கூறியுள்​ளார்​.