நான் தமிழ்நாடு செல்வதை யாராலும் தடுத்து நிறுத்த இயலாது: கே.எஸ்.அழகிரி பேச்சுக்கு பாஜக எம்.பி. கங்கனா பதிலடி

புதுடெல்லி: காங்​கிரஸ் நடத்​தும் போராட்​டங்​களுக்கு ரூ.100 கொடுத்து பெண்​கள் அழைத்து வரப்​படு​கின்​றனர் என்று பாஜக எம்.பி.​யும் நடிகை​யு​மான கங்​கனா ரனாவத் கூறி வரு​கிறார். மேலும், டெல்லி விமான​நிலை​யத்​தில் பெண் சிஆர்​பிஎப் வீராங்​கனை ஒருவர் கங்கனாவை அறைந்​தார்.

நடிகை கங்​கனா ரனாவத் தமிழகத்​துக்கு வந்​தால், அவர் மீது சுமத்​தப்​பட்ட அவதூறு வழக்​கு​களை நினைவு கூர்ந்து அவர் “அறையப்பட வேண்​டும்” என்று தமிழக காங்​கிரஸ் கட்​சி​யின் முன்​னாள் தலை​வர் கே.எஸ். அழகிரி அண்​மை​யில் கூறி​யிருந்​தார். பாஜக எம்​.பி.யை அவ்​வாறு இவர் விமர்​சித்​திருப்​பது அரசி​யல் வட்​டாரங்​களில் பெரும் சர்ச்​சையை ஏற்​படுத்​தி​யுள்​ளது.

இதுகுறித்து நடிகை கங்​கனா ரனாவத் செய்​தி​யாளர்​களிடம் நேற்று கூறிய​தாவது: நான் தமிழ்​நாடு வரும்​போது என்னை அறைய வேண்​டும் என்று தமிழக காங்​கிரஸ் முன்​னாள் தலை​வர் கே.எஸ். அழகிரி கூறி​யிருக்​கிறார். இதற்​கெல்​லாம் நான் பயப்பட மாட்​டேன். நான் தமிழ்​நாடு செல்​வதை யாராலும் தடுத்து நிறுத்த முடி​யாது. இது நமது இந்​தி​யா. நாம் எங்கு வேண்​டு​மா​னாலும் செல்​லலாம். வரலாம். இதை யாராலும் தடுக்க முடி​யாது.

தமிழில் நான் தமிழக முன்​னாள் முதல்​வர் ஜெயலலி​தா​வின் வேடத்​தில் ஒரு படத்​தில் நடித்​தேன். இந்​தப் படம் தலைவி என்ற பெயரில் வெளி​யானது. இந்த விஷ​யத்தை நான் சொன்னால் நீங்​கள் நம்ப மாட்​டீர்​கள். அண்​மை​யில் நாடாளு​மன்​றத்​தில் நடை​பெற்ற வாக்​களிப்​பின்​போது, நான் வரிசை​யில் நின்று கொண்​டிருந்​தேன். அப்​போது என்னை சில எம்​.பி.க்​கள் கடந்து சென்​றனர். கடந்து சென்ற 4 எம்​.பி.க்​களில் 3 பேர் என்னை தலைவி என்று அழைத்​தனர். அந்த அளவுக்கு அவர்​கள் என் மீது பாசம் காட்டுகின்றனர்.

ஒரு தனி​நபரின் தனிப்​பட்ட கருத்​துக்​கள் எந்த வித்​தி​யாசத்​தை​யும் ஏற்​படுத்​தாது. பெண்​களுக்கு எதி​ரான இது​போன்ற அவமரியாதை​யான கருத்​துக்​களை பொது இடத்​தில் பயன்​படுத்​தக்​கூ​டாது. அது மக்​களுக்கு தவறான செய்​தியை அனுப்​பி​விடும். இவ்​வாறு அவர்​ தெரிவித்​தார்​.