அடுத்த மாதம் 2-ம் தேதி வரை பிரதமர் மோடி பெற்ற பரிசுப் பொருட்கள் ஏலம்

புதுடெல்லி: பிரதமர் நரேந்​திர மோடி பெற்ற பரிசுப் பொருட்​களின் ஏல விற்​பனை இணை​யத்​தில் தொடங்​கி​யுள்​ளது.

இப்​பொருட்​களின் விலை ரூ.1,700 முதல் 1.03 கோடி வரை நிர்​ண​யிக்​கப்​பட்​டுள்​ளது. உள்​நாட்டு நிகழ்ச்​சிகள் மற்​றும் வெளி​நாட்​டுப் பயணங்​களில் பிரதமர் நரேந்​திர மோடிக்கு பரிசுப் பொருட்​கள் வழங்​கப்​படு​கின்​றன. இந்த பரிசுப் பொருட்​கள் கடந்த 2019 முதல் அவ்​வப்​போது ஏலம் விடப்​படு​கின்​றன.

இந்​த வகை​யில் 7-வது ஏல விற்​பனை அவரது பிறந்த நாளான நேற்று (செப். 17) www.pmmementos.gov.in என்ற இணையதளத்​தில் தொடங்​கியது. 1,300-க்​கும் மேற்​பட்ட பொருட்​களுக்​கான ஏல விற்​பனை அக்​டோபர் 2-ம் தேதி வரை நடை​பெற உள்​ளது.

இந்த ஏல விற்​பனை​யில் கிடைக்​கும் தொகையை தூய்​மை​யான கங்கை திட்​டத்​துக்கு பிரதமர் நன்​கொடை​யாக வழங்​கு​கிறார். இந்த முறை ஏலத்​தில் பாரா ஒலிம்​பிக் 2024 வீரர்​களின் பரிசுகள், சிலைகள் மற்​றும் ஓவி​யங்​கள் அடங்​கி​யுள்​ளன. இந்​தப் பரிசுகளின் விலை ரூ.1,700-ல் தொடங்கி ரூ.1.03 கோடி வரை நிர்​ண​யிக்​கப்​பட்டு உள்​ளது.

இதுகுறித்து மத்​திய கலாச்​சா​ரத் துறை அமைச்​சர் கஜேந்​திர சிங் ஷெகாவத் கூறுகை​யில், “கடந்த 6 ஆண்​டு​களில் 7,000-க்​கும் மேற்​பட்ட பரிசுகள் ஏலத்​தில் விடப்​பட்​டுள்​ளன. இதன் மூலம் ரூ.50.33 கோடி திரட்​டப்​பட்​டுள்​ளது. இந்​தத் தொகை தூய்​மை​யான கங்கை திட்​டத்​துக்கு நன்​கொடை​யாக வழங்​கப்​பட்​டுள்​ளது. இந்த முறை​யும் அவ்​வாறே வழங்​கப்பட உள்​ளது’’ என்​றார்.

இந்த முறை ஏல விற்​பனை​யில், விளை​யாட்டு வீரர்​களிட​மிருந்து பெறப்​பட்ட பரிசுகள், கடவுள் சிலை, ஓவி​யங்​கள், தொப்​பிகள், வாள்​கள் போன்ற பல பொருட்​கள் இடம்​பெற்​றுள்​ளன.

துல்ஜா பவானி சிலை:​ இதில் துல்ஜா பவானி சிலை​யின் விலை மிக​வும் அதி​கம். அதன் அடிப்​படை விலை ரூ.1.03 கோடி​யாக உள்​ளது. பாராலிம்​பிக்ஸ் 2024-ல் வெள்​ளிப் பதக்​கம் வென்ற நிஷாத் குமார், வெண்​கலப் பதக்​கம் வென்ற அஜித் சிங், சிம்​ரன் சர்மா ஆகியோரின் காலணி​கள் உள்​ளன. அவற்​றின் அடிப்​படை விலை தலா ரூ.7.70 லட்​ச​மாக நிர்​ண​யிக்​கப்​பட்​டு உள்​ளது.