75-வது பிறந்த நாள் விழா: பிரதமர் நரேந்திர மோடிக்கு ட்ரம்ப் உட்பட உலகத் தலைவர்கள் வாழ்த்து

புதுடெல்லி: பிரதமர் நரேந்​திர மோடி நேற்று தனது 75-வது பிறந்த நாளைக் கொண்டாடினார். அவருக்கு பல்​வேறு நாடு​களின் அதிபர்​கள், பிரதமர்​கள், ஆன்​மிகத் தலை​வர்​கள் உள்​ளிட்​டோர் வாழ்த்து தெரிவித்​துள்​ளனர்.

அமெரிக்க அதிபர் டொனால்டு ட்ரம்ப் நேற்று முன்தினம் நள்ளிரவில் தொலைபேசி​யில் தொடர்பு கொண்டு வாழ்த்து தெரிவித்துள்ளார். இந்த தகவலை பிரதமர் மோடி ட்ரம்​புக்கு முன்னதாகவே சமூக வலை​தளத்​தில் பதி​விட்​டு​விட்​டார். அதில், “எனக்கு தொலைபேசி​யில் பிறந்த நாள் வாழ்த்து தெரி​வித்த என் நண்​பர், அதிபர் ட்ரம்​புக்கு நன்​றி. உங்​களைப் போல​வே, இருதரப்பு உறவை புதிய உச்​சத்​துக்கு எடுத்​துச் செல்​வதற்கு நானும் உறுதியாக இருக்​கிறேன். ரஷ்​யா-உக்​ரைன் போருக்கு அமைதி தீர்வு கிடைக்க வேண்​டும் என்ற உங்​கள் முயற்​சிக்கு எங்​கள் ஆதரவு உண்டு" என்று தெரிவித்துள்ளார்.

அமெரிக்க அதிபர் ட்ரம்ப் தனது ட்ரூத் சமூக வலை​தளத்​தில் வெளியிட்ட பதி​வில், “என் நண்​பர் பிரதமர் மோடி​யுடன் சற்று முன்பு தொலைபேசி​யில் தொடர்​பு​கொண்டு பேசினேன். அவருக்கு பிறந்த நாள் வாழ்த்து தெரி​வித்​தேன். அவர் சிறப்​பாக செயல்​பட்டு வருகிறார். நரேந்​தி​ரா, ரஷ்​யா-உக்​ரைன் போரை முடிவுக்​குக் கொண்​டுவர ஆதர​வளித்​தமைக்கு நன்​றி" என பதி​விட்​டுள்​ளார்.

இத்​தாலி பிரதமர் ஜியார்​ஜியா மெலோனி எக்ஸ் சமூக வலைதளத்தில் பிரதமர் மோடி​யுடன் ஏற்​கெனவே எடுத்​துக்​கொண்ட செல்​பியை பதிவேற்​றும் செய்​துள்​ளார். அத்​துடன், “இந்​தியப் பிரதமர் நரேந்​திர மோடிக்கு பிறந்த நாள் வாழ்த்​துகள். அவரது வலிமை, உறு​திப்​பாடு மற்​றும் கோடிக்​கணக்​கான மக்​களை வழிநடத்​தும் திறன் ஆகியவை உத்​வேகம் அளிக்​கிறது. இந்​தியாவை பிர​காச​மான எதிர்​காலத்தை நோக்கி தொடர்ந்து வழிநடத்​த​வும், இருதரப்பு உறவை மேலும் வலுப்​படுத்​த​வும் அவர் ஆரோக்​கிய​முடன் இருக்க வேண்​டும் என வாழ்த்​துகிறேன்" எனப் பதிவிட்டுள்​ளார்.

ரஷ்ய அதிபர் விளாடிமிர் புதின் விடுத்​துள்ள வாழ்த்​துச் செய்​தி​யில், “அன்பு பிரதமர், உங்​கள் பிறந்த நாளுக்​கான என்​னுடைய இதயப்​பூர்வமான நல் வாழ்த்​துகளை ஏற்​றுக் கொள்​ளுங்​கள். நம் இரு நாடுகளுக்கு இடையிலான கூட்​டாண்​மையை வலுப்​படுத்​து​வதற்கும், பல்​வேறு துறை​களில் பரஸ்பர நன்மை பயக்​கும் இருதரப்பு ஒத்​துழைப்பை வளர்ப்​ப​தற்​கும் நீங்​கள் தனிப்​பட்ட முறையில் சிறந்த பங்​களிப்பை செய்​கிறீர்​கள்" எனப் பதி​விட்​டுள்​ளார்.

இதே​போல, ஆஸ்​திரேலிய பிரதமர் அந்​தோனி அல்​பானீஸ், நியூசிலாந்து பிரதமர் கிறிஸ்​டோபர் லுக்​சன், இங்​கிலாந்து முன்னாள் பிரதமர் ரிஷி சுனக், இஸ்​ரேல் பிரதமர் பெஞ்​சமின் நெதன்​யாகு, புத்த மத தலை​வர் தலாய் லாமா, மைக்​ரோ​சாப்ட் நிறுவனர் பில்​கேட்​ஸ்​ உள்​ளிட்​டோரும்​ பிரதமர்​ மோடிக்​கு பிறந்​த நாள்​ வாழ்த்​து தெரி​வித்​துள்​ளனர்​.