மாற்று மதத்தைச் சேர்ந்த பெண் யூ டியூபர் குருவாயூர் கோயில் குளத்தில் இறங்கியதால் சர்ச்சை

குருவாயூர்: கேரள மாநிலம் குரு​வாயூரில் உள்ள கிருஷ்ணர் கோயில் உலகம் முழு​வதும் புகழ்​பெற்​றது. ஒவ்​வொரு ஆண்​டும் கோடிக்​கணக்​கான பக்​தர்​கள் வந்து வழிபட்டு செல்​கின்​றனர். இந்​நிலை​யில் இந்​தக் கோயி​லின் புனித குளத்​தில் கடந்த சில நாட்​களுக்கு முன் ஜாபர் என்ற யூ டியூபர் குரு​வாயூர் ரீல்ஸ் பதிவு செய்து வெளி​யிட்​டார்.

சமூக வலை​தளத்​தில் பிரபல​மாக உள்ள ஜாஸ்​மின் ஜாபர், கேரள பிக் பாஸ் நிகழ்ச்​சி​யிலும் பங்​கேற்​றவர். குரு​வாயூர் கோயி​லில் இந்து அல்​லாத பிற மதத்​தவர்​களுக்கு அனு​மதி கிடை​யாது. இந்​நிலை​யில் ஜாஸ்​மின் ஜாபர், கோயில் குளத்​தில் இறங்கி ரீல்ஸ் பதிவு செய்து வெளி​யிட்​டது பக்​தர்​கள் மத்​தி​யில் பெரும் கொந்​தளிப்பை ஏற்​படுத்​தி​யது. கோயில் குளத்​தின் புனிதத்​தன்மை கெட்​டு​விட்​ட​தாக பக்​தர்​கள் புகார் செய்​தனர்.

இதைத் தொடர்ந்து கோயில் நிர்​வாகம் சார்​பில் பரி​கார பூஜைக்கு ஏற்​பாடு செய்​யப்​பட்​டது. நேற்று காலை முதல் கோயி​லில் வெவ்​வேறு வகை​யான பரி​கார பூஜைகள் நடந்து வரு​கின்​றன. இதனால் நேற்று பிற்​பகல் வரை பக்​தர்​கள் யாரும் அனு​ம​திக்​கப்​பட​வில்​லை. ஆறு நாட்​களுக்கு இந்த பூஜை தொடரும் என்று கோயில் நிர்​வாகம் சார்​பில் அறிவிக்​கப்​பட்​டுள்​ளது. பரி​கார பூஜை நடக்​கும் நேரத்​தில் பக்​தர்​களுக்கு அனு​மதி இல்லை என்​றும், பக்​தர்​கள் அனை​வரும் ஒத்​துழைப்பு தர வேண்​டும் என்​றும் கோயில் நிர்​வாகம் வேண்​டு​கோள் விடுத்​துள்​ளது.இதற்​கிடையே, ஜாஸ்​மின் ஜாபர், அந்த வீடியோவை சமூக வலை​தளப் பக்​கத்​திலிருந்து அழித்து விட்​டதுடன், மன்​னிப்​பும் கேட்​டுக்​ கொண்​டுள்​ளார்​.ஜாஸ்மின் ஜாபர்