ஜம்மு-காஷ்மீரில் தீவிரவாதிகள் தேடுதல் வேட்டை: பதுங்கு குகைகள் குண்டு வைத்து தகர்ப்பு

ஸ்ரீநகர்: ஜம்மு மாகாணத்​தின் கிஷ்த்​வார் உள்​ளிட்ட எட்டு மாவட்​டங்​களில் பாகிஸ்​தானில் இருந்து நன்கு பயிற்சி பெற்ற தீவிர​வா​தி​கள் ஊடுரு​வி​யிருப்​பது நாட்​டின் பாது​காப்​புக்கு பெரும் அச்​சுறுத்​தலாக மாறி​யுள்​ளது. இந்த பகுதி 2021 வரை தீவிர​வாதத்​தால் பாதிக்​கப்​ப​டாத பகு​தி​யாக இருந்​தது. ஆனால் தற்​போது பெரிய தீவிர​வாத சம்​பவங்​கள் மற்​றும் என்​க​வுன்ட்​டர் நடை​பெறும் முக்​கிய தளமாக மாறி​விட்​டது.

இந்த நிலை​யில், கிஷ்த்​வார் மாவட்​டத்​தில் உள்ள ஒரு மலைப்​பகு​தி​யில் தீவிர​வா​தி​களின் நடமாட்​டம் இருப்​ப​தாக உளவுத் துறை மூலம் பாது​காப்பு படை​யினருக்கு ரகசிய தகவல் கிடைத்​தது. இதைத் தொடர்ந்து அப்​பகு​தி​யில் ஞாயிற்​றுக்​கிழமை முதல் பாது​காப்பு படை​யினர் தீவிர தேடு​தல் வேட்டை நடத்தி வரு​கின்​றனர்.

நேற்று காலை தீவிர​வா​தி​கள் தங்​கி​யிருந்​த​தாக கருதப்​படும் மலைப்​பகு​தி​யில் அமைந்​துள்ள பதுங்கு குகைகளை பாது​காப்பு படை​யினர் குண்​டு​வீசி தகர்த்​தனர். இதன் காரண​மாக ஏற்​பட்ட பயங்கர தீ மற்​றும் புகை மூட்​டத்​தில் தீவிர​வா​தி​கள் கொல்​லப்​பட்​டார்​களா என்​பது தெளி​வாக தெரிய​வில்​லை. தொடர்ந்து அந்​தப் பகு​தி​கள் கண்​காணிக்​கப்​பட்டு வரு​கின்​றன.

கிஷ்த்​வார் மலைகளில் பதுங்​கி​யுள்ள தீவிர​வா​தி​களை விரட்​டியடிக்க முயற்​சித்து வரும் அதேவேளை​யில் குல்​காம் மாவட்​டத்​தில் உள்ள அகால் காடு​களில் பாது​காப்பு படை​யினர் நீண்ட தீவிர​வாத எதிர்ப்பு நடவடிக்​கை​களில் ஈடு​பட்​டுள்​ளனர். இந்த மோதலின் 11 -வது நாளான சனிக்​கிழமை ராணுவ வீரர்​கள் இரு​வர் கொல்​லப்​பட்​டனர். மேலும் இரு​வர் காயமடைந்​தனர்.

அகால் அடர் வனப்பகு​தி​யில் பதுங்​கி​யுள்ள தீவிர​வா​தி​கள் கையெறி குண்​டு​களை வீசி தாக்​குதல் நடத்தி வரு​கின்​றனர். அகாலில் ஆகஸ்ட் 1-ம் தேதி தொடங்​கிய தேடு​தல் வேட்​டை​யின்​போது நடை​பெற்ற துப்​பாக்கி சண்​டை​யில் உள்​ளூர் தீவிர​வாதி ஒரு​வர் கொல்​லப்​பட்​டார்.

ஆனால், இந்த மோதல் பின்​னர் வனப் பகு​திக்​கும் பரவிய​தால் தேடு​தல் வேட்​டையை தொடர்ந்து நடத்த வேண்​டிய சூழல் பாது​காப்பு படை​யினருக்கு ஏற்​பட்​டது. இது​வரை நடை​பெற்ற மோதல்​களில் 10 பாது​காப்பு படை வீரர்​கள் காயமடைந்​துள்​ள​தாக அதி​காரப்​பூர்வ வட்​டாரங்​கள் தெரி​வித்​துள்​ளன.