வாக்கு திருட்டு விவகாரத்தில் சொந்த கட்சியை கடுமையாக விமர்சித்த‌ கர்நாடக அமைச்சர் கே.என்.ராஜண்ணா ராஜினாமா

பெங்களூரு: மக்​களவை எதிர்க்​கட்சி தலை​வர் ராகுல் காந்​தி, ‘‘2024 மக்​கள​வைத் தேர்​தலில் பாஜக​வும் தேர்​தல் ஆணை​ய​மும் கூட்டு வைத்​துக்​கொண்​டு, வாக்​கு​களை திருடி​யுள்​ளது. பெங்​களூரு​வில் உள்ள மகாதேவப்​புரா சட்​டப்​பேர​வைத் தொகு​தி​யில் மட்டும் ஒரு லட்​சத்​துக்​கும் அதி​க​மான வாக்​கு​கள் திருடப்​பட்​டன'' என குற்​றம்​சாட்​டி​னார்.

இந்நிலை​யில், கர்​நாடக கூட்​டுறவுத் துறை அமைச்​சர் கே.என்​. ராஜண்​ணா, ‘‘வாக்கு திருட்டு விவ​காரத்​தில் காங்​கிரஸார் வெட்கப்பட வேண்​டும். கர்​நாட​கா​வில் காங்​கிரஸ் ஆட்​சி​யில் இருந்த போதே வாக்​காளர் பட்​டியல் திருத்​தப்​பட்​டது. அதனை ஏன் நாம் தடுக்​க‌​வில்​லை? வரைவு வாக்​காளர் பட்​டியல் வெளி​யிடப்​பட்ட போது நாம் ஆட்​சேபம் தெரி​வித்​திருந்​தால், இந்த பிரச்​சினையை ஆரம்​பத்​திலேயே தடுத்​திருக்க முடி​யும்​'' என்​றார்.

அமைச்​சர் கே.என்​.​ராஜண்ணா​வின் இந்​தக் கருத்தை பாஜக​வினர் ஆதரித்த நிலை​யில், துணை முதல்​வர் டி.கே. சிவகு​மாரின் ஆதர​வாளர்​கள் கடும் கண்​டனம் தெரி​வித்​தனர். காங்​கிரஸ் எம்​எல்ஏ எச்​.டி. ரங்​க​நாத் கூறுகை​யில், ‘‘வாக்​குத் திருட்டு விவகாரத்தை விசா​ரிக்க கர்​நாடக அரசு முடிவு செய்​துள்​ளது. விசா​ரணை முடிவடைவதற்கு முன்பே காங்​கிரஸ் கட்​சிக்​கும், ஆட்சிக்கும் எதி​ராகப் பேசுவதை மன்​னிக்க முடி​யாதது’’ என கண்​டித்​தார்.

மேலும் காங்​கிரஸ் மேலிடம் அதிருப்தி அடைந்​தது. அவரை அமைச்​சர் பதவி​யில் இருந்து நீக்​கு​மாறு முதல்​வர் சித்தராமையாவுக்கு உத்​தர​விட்​டுள்ளது. இதையடுத்து சித்​த​ராமை​யா, கூட்​டுறவுத்​துறை அமைச்​சர் கே.என்​.​ராஜண்​ணாவை அமைச்​சர் பதவியை ராஜி​னாமா செய்​யு​மாறு வலி​யுறுத்​தி​னார். முதலில் இதற்கு மறுப்பு தெரி​வித்த கே.என்​.​ராஜண்​ணா, நேற்று தனது அமைச்​சர் பதவியை ராஜி​னாமா செய்​வ​தாக அறி​வித்​தார்.

கே.என்​.​ராஜண்​ணா​வின் ராஜி​னாமா கடிதத்தை பெற்ற முதல்​வர் சித்​த​ராமையா ஏற்​றுக்​கொண்​டு, உடனடி​யாக அமைச்சரவையில் இருந்து விடுவிக்​கு​மாறு ஆளுநர் தாவர்​சந்த் கெலாட்​டுக்கு கடிதம் அனுப்​பி​னார். இந்த விவ​காரம்​ கர்​நாடக அரசி​யலில்​ பரபரப்​பை ஏற்​படுத்​தி​யுள்​ளது.