டெல்லியில் பிரதமர் மோடி இன்று திறக்கும் கர்தவ்யா பவனுக்கு மத்திய அமைச்சகங்கள் மாற்றம்

புதுடெல்லி: தலைநகர் டெல்​லி​யில் கடமை பாதை (கர்​தவ்யா பாத்) அருகே கட்​டப்​பட்​டுள்ள புதிய கர்​தவ்யா (கடமை) பவனை பிரதமர் மோடி இன்று திறந்து வைக்​கிறார். இந்த கட்​டிடத்​துக்கு மத்​திய அமைச்​சகங்​கள், துறை அலு​வல​கங்​கள் மாறுகின்​றன.

டெல்​லி​யில் முக்​கிய பகு​தி​யாக விளங்​கிய ராஜ் பத் (ராஜ பாதை) பகு​தி​யின் பெயரை கர்​தவ்யா பாத் (கடமை பாதை) என மத்​திய அரசு பெயர் மாற்​றம் செய்​தது. இப்​பகுதி சென்ட்​ரல் விஸ்டா திட்​டத்​தின் கீழ் மேம்​படுத்​தப்​பட்டு வரு​கிறது. கர்​தவ்யா பாத் அருகே கர்​தவ்யா பவன்​கள் என்ற பெயரில் நவீன வசதி​களு​டன் அரசு அலு​வல​கங்​களை மத்​திய அரசு அமைத்து வரு​கிறது.

டெல்லி ராய்​சினா ஹில்ஸ் பகு​தி​யில் நார்த் பிளாக் மற்​றும் சவுத் பிளாக் கட்​டிடங்​களில் கடந்த 90 ஆண்​டு​களாக செயல்​பட்டு வந்த மத்​திய அமைச்​சகங்​கள் மற்​றும் பிற துறை அலு​வல​கங்​கள் எல்​லாம் கர்​தவ்யா பவன்​களுக்கு மாற்​றப்​படு​கின்​றன. இதற்​காக 10 புதிய கர்​தவ்யா பவன்​கள் அமைக்​கப்​பட்டு வரு​கின்​றன.

இவற்​றில் ஓர் அலு​வலக கட்​டிடத்தை பிரதமர் மோடி இன்று திறந்து வைக்​கிறார். கர்​தவ்யா பவன் - 3 கட்​டிடத்​துக்கு மத்​திய உள்​துறை அமைச்​சகம், பெட்​ரோலி​யம் மற்​றும் இயற்கை எரி​வா​யு, வெளி​யுறவுத்​துறை மற்​றும் ஊரக மேம்​பாடு, மத்​தி​யப் பணி​யாளர் நலத்​துறை மற்​றும் நில வளத்​துறை அமைச்​சகங்​கள் உட்பட பல அமைச்​சகங்​கள் மாற்​றம் செய்​யப்​படு​கின்​றன. இன்​னும் 2 கட்​டிடங்​களின் கட்​டு​மான பணி​கள் அடுத்த மாதம் முடிவடை​யும் என எதிர்​பார்க்​கப்​படு​கிறது.

இன்​னும் சில மாதங்​களில் மத்​திய நிதித்​துறை அமைச்​சகம் நார்த் பிளாக் கட்​டிடத்​தில் இருந்து மற்​றொரு கர்​தவ்யா பவனுக்கு மாறவுள்​ளது. பாது​காப்​புத்​துறை அமைச்​சகம் மற்​றும் பிரதமர் அலு​வல​க​மும் சவுத் பிளாக் கட்​டிடத்​தில் இருந்து மாற்​றம் செய்​யப்​பட​வுள்​ளன.

இதுகுறித்து பிரதமர் அலு​வல​கம் விடுத்​துள்ள செய்​தி​யில், ‘‘1.5 லட்​சம் சதுர மீட்​டரில் 2 தரை தளங்​கள், 7 அடுக்​கு​மாடிகளு​டன் நவீன தொழில்​நுட்​பங்​களை பயன்​படுத்தி கர்​தவ்யா பவன்​கள் கட்​டப்​பட்​டுள்​ளன. 30 சதவீத மின்​சார செலவை குறைக்​கும் வகை​யில் இந்த கட்​டிடம் வடிவ​மைக்​கப்​பட்​டுள்​ளது.

இந்த புதிய கட்​டிடங்​கள், மத்​திய அரசு அலு​வல​கங்​களின் பராமரிப்பு செலவை குறைக்​கும். பணிச் சூழல் மற்​றும் ஊழியர்​களின் நலன், சேவை ஆகிய​வற்றை மேம்​படுத்​தும். நவீன கட்​டிடங்களுக்கு உதா​ரண​மாக தி​கழும் கர்​தவ்யா பவன்​களில், ஊழியர்​கள் அடை​யாள அட்​டை மூலம்​ மட்​டுமே உள்​ளே நுழைய முடியும்​.