இந்தியாவின் நீண்டகால உள்துறை அமைச்சர் அமித் ஷா: எல்.கே.அத்வானி சாதனையை முறியடித்தார்

புதுடெல்லி: இந்​தி​யா​வின் மிக நீண்ட கால உள்​துறை அமைச்​சர் என்ற பெரு​மையை அமித் ஷா பெற்​றுள்​ளார். பாஜக மூத்த தலைவர் எல்​.கே.அத்​வானி​யின் முந்​தைய சாதனையை அவர் முறியடித்​தார். கடந்த 2019-ம் ஆண்டு மே 30-ம் தேதி முதல் நாட்​டின் உள்​துறை அமைச்​ச​ராக அமித் ஷா பதவி வகித்து வரு​கிறார். அவர் நேற்று 2,258 நாட்​கள் (6 ஆண்​டு​கள் 68 நாட்​கள்) பதவிக் காலத்தை முடித்து நாட்​டின் மிக நீண்​ட​கால உள்​துறை அமைச்​சர் என்ற பெரு​மையை பெற்​றுள்​ளார்.

கடந்த 2019, ஆகஸ்ட் 5-ம் தேதி ஜம்மு காஷ்மீருக்​கான சிறப்பு அந்​தஸ்து ரத்து செய்​யப்​படு​வதை நாடாளு​மன்​றத்​தில் அமித் ஷா அறி​வித்​தார். அதே ஆகஸ்ட் 5-ம் தேதி இந்த சாதனையை அவர் படைத்​துள்​ளார். இதற்கு முன் காங்​கிரஸ் தலை​வர் கோவிந்த் வல்லப பந்த், பாஜக தலை​வர் எல்​.கே.அத்​வானி ஆகியோர் மத்​திய உள்​துறை அமைச்​ச​ராக மிக நீண்ட காலம் பணி​யாற்​றி​யுள்​ளனர்.

எல்​.கே.அத்​வானி 2,256 நாட்​கள் (1998 மார்ச் 19 முதல் 2004 மே 22 வரை) இப்​ப​த​வி​யில் இருந்​தார். கோவிந்த் வல்லப பந்த் 6 ஆண்​டு​கள் 56 நாட்​கள் (1955 ஜனவரி 10 முதல் 1961 மார்ச் 7 வரை) இப்​ப​தவி வகித்​தார். மத்​திய உள்​துறை அமைச்​ச​ராக அமித் ஷா முதன்​முதலில் 2019, மே 30-ம் தேதி நியமிக்​கப்​பட்​டார். 2024, ஜூன் 10-ம் தேதி அவர் அப்​பொறுப்​பில் மீண்​டும் நியமிக்​கப்​பட்​டார். கூடு​தலாக, நாட்​டின் முதல் கூட்​டுறவு அமைச்​சர் என்ற பெரு​மை​யை​யும் அவர் பெற்​றுள்​ளார்.

இதற்கு முன் பாஜக தேசிய தலை​வர், குஜ​ராத் உள்​துறை அமைச்​சர் ஆகிய பொறுப்​பு​களை அமித் ஷா வகித்​துள்​ளார். சமீபத்​திய என்​டிஏ கூட்​டத்​தில் அமித் ஷாவின் பங்​களிப்​பு​களை பிரதமர் நரேந்​திர மோடி பாராட்​டி​னார், மேலும் இந்​திய வரலாற்​றில் மிக நீண்ட காலம் உள்​துறை அமைச்​ச​ராக பணி​யாற்​றியதற்​காக அவரை பா​ராட்​டி​னார்​.