ட்ரம்பின் வரி விதிப்பு மிரட்டலை சமாளிக்க ஏற்றுமதியை ஊக்குவிக்க ரூ.20,000 கோடியில் திட்டம்

புதுடெல்லி: அமெரிக்க அதிபர் டொ​னால்டு ட்ரம்ப்பின் வரிவிதிப்பு மிரட்டலை சமாளிக்கும் வகை​யில், ஏற்​றுமதியை ஊக்​கு​விக்க ரூ.20 ஆயிரம் கோடியில் சிறப்பு திட்​டத்தை செயல்​படுத்த மத்​திய அரசு தயா​ராகி வரு​கிறது. இந்​திய பொருட்​களின் இறக்குமதிக்கு அமெரிக்க அதிபர் ட்ரம்ப் 25 சதவீத வரி விதிப்பை அமல்​படுத்​தி​யுள்​ளார்.

மேலும், ரஷ்​யா​வில் இருந்து இந்​தியா தொடர்ந்து கச்சா எண்​ணெய், ராணுவ தளவாடங்​களை கொள்​முதல் செய்​வ​தால் கூடு​தல் அபராத​மும் செலுத்த நேரிடும் என்று இந்​தி​யாவை எச்​சரித்​துள்​ளார். இந்த வரி விதிப்பு நாளை முதல் அமலுக்கு வரவுள்ள நிலையில் ஏற்​றும​தி​யாளர்​களை பாது​காக்க இந்​தியா ரூ.20 ஆயிரம் கோடி மதிப்​பிலான ஒரு மிகப்​பெரிய ஏற்​றுமதி திட்​டத்தை தயாரித்து வரு​கிறது.

தற்​போதைய வர்த்தக நிச்​சயமற்ற தன்​மை​களுக்கு மத்​தி​யில் இருந்து ஏற்​றும​தி​யாளர்​களைப் பாது​காக்க புதிய விரி​வான உத்திகளு​டன் கூடிய இந்த ஏற்​றுமதி திட்​டத்தை மத்​திய அரசு அடுத்த சில வாரங்​களில் செயல்​படுத்​தும் என்று எதிர்​பார்க்கப்படுகிறது.

‘பிராண்டு இந்​தி​யா’ பெயரில் பொருட்​களை சந்​தைப்​படுத்​து​மாறு வர்த்தக மற்​றும் தொழில் துறை அமைச்​சகம் ஏற்றுமதியாளர்களுக்கு அறி​வுறுத்​தி​யுள்​ளது. ரூ.20 ஆயிரம் கோடி மதிப்​பிலான இந்த திட்​டம் ஏற்​றும​தி​யாளர்​களை சர்​வ​தேச வர்த்தக ஏற்ற இறக்​கங்​கள் மற்​றும் சந்தை நிச்​சயமற்ற தன்​மை​களி​லிருந்து பாது​காக்​கும் என்று அரசு நம்​பு​கிறது.

இதனை வரும் செப்​டம்​பர் மாதத்​துக்​குள் அறி​முகப்​படுத்த திட்​ட​மிட்​டுள்​ள​தாக அதி​காரி​கள் வட்​டாரங்​கள் தெரி​வித்​துள்​ளன. இந்த புதிய ஏற்​றுமதி ஊக்​கு​விப்பு திட்​டம், கடன் அணுகலை எளி​தாக்​கு​வதை​யும், சர்​வ​தேச சந்​தைகளில் வரி அல்​லாத தடைகளை நிவர்த்தி செய்​வதை​யும் மைய​மாகக் கொண்​டிருக்​கும் என்று அதி​காரி​கள் உறு​திப்​படுத்​தி​யுள்​ளனர்.

வர்த்​தகம் மற்​றும் தொழில்​துறை அமைச்​சகம், குறு, சிறு மற்​றும் நடுத்தர நிறு​வனங்​கள் மற்​றும் நிதி அமைச்​சகங்​களுக்கு இடையே​யான கூட்டு முயற்​சி​யில் இந்த திட்​டம் உரு​வாக்​கப்​படு​வ​தாக தெரிவிக்​கப்​பட்​டுள்​ளது. “இந்த சவாலான கால​கட்​டத்​தில் இத்​தனை ஆயிரம் கோடி மதிப்​பிலான நமது ஏற்​றும​தியை ஆதரிக்க முடிந்​தால் அது இந்​தி​யா​வுக்கு மிக சாதக​மாக இருக்​கும்” என்று இந்​திய ஏற்​றுமதி அமைப்​பு​களின் கூட்​டமைப்பு (எப்​ஐஇஓ) இயக்​குநர்​ ஜெனரல்​ அஜய்​ சஹாய்​ கூறி​யுள்​ளார்​.