திமுக, அதிமுக உட்பட பல கட்சிகளை சேர்ந்த 75 மாநிலங்களவை எம்.பி.க்கள் 2026-ல் ஓய்வு

புதுடெல்லி: மாநிலங்​களவை எம்​.பி.க்​களுக்​கான தேர்​தல் அடுத்த ஆண்டு ஏப்​ரல், ஜூன் மற்​றும் நவம்​பர் ஆகிய 3 மாதங்​களில் நடை​பெற உள்​ளன. அடுத்த ஆண்டு நவம்​பருக்​குள் பல்​வேறு கட்​சிகளைச் சேர்ந்த மூத்த தலை​வர்​கள் ஓய்வு பெற உள்​ளனர்.

அந்​தப் பட்​டியலில் காங்​கிரஸ் தலை​வர் கார்​கே, மதச்​சார்​பற்ற ஜனதா தள தலைவர் எச்​.டி.தேவக​வுடா ஆகியோ​ரும் உள்​ளனர். இவர்களது பதவிக்​காலம் அடுத்த ஆண்டு ஜூன் 25-ம் தேதி முடிவடைகிறது. உ.பி. சார்​பில் அதி​கபட்​ச​மாக 10 எம்​.பி.க்​கள் அடுத்த ஆண்டு நவம்​பரில் ஓய்வு பெறுகின்​றனர்.

அவர்​களில் மத்​திய இணை அமைச்​சர்​கள் ஹர்​தீப் சிங் புரி, பி.எல்​.வர்மா இடம் பெற்​றுள்​ளனர். மகா​ராஷ்டி​ரா​வில் 7 எம்.பி.க்களின் பதவிக்​காலம் முடிகிறது. அவர்​களில் தேசி​ய​வாத காங்​கிரஸ் தலை​வர் சரத் பவார், சிவசேனா (உத்​தவ் அணி) பிரியங்கா சதுர்​வேதி மற்​றும் மத்​திய இணை அமைச்​சர் ராம்​தாஸ் அதாவலே ஆகியோர் பதவிக் காலத்தை நிறைவு செய்கின்றனர்.

விரைவில் சட்​டப்​பேரவை தேர்​தல் நடை​பெறவுள்ள பிஹாரில் ஆளும் ஐ.ஜ.த மக்​களவை துணைத் தலை​வர் ஹரிவன்​ஷ், எதிர்க்​கட்​சி​யான ஆர்ஜேடியின் ஏ.டி.சிங் பிரேம், முன்​னாள் மத்​திய அமைச்​சர் உபேந்​திர குஷ்​வாஹா ஆகியோ​ரும் அடங்​கு​வர். ஜார்க்​கண்​டின் முன்​னாள் முதல்​வரும் ஜேஎம்​எம் நிறு​வனரு​மான ஷிபு சோரன் எம்​.பி.​யும் ஓய்​வு​பெறுகிறார். குஜ​ராத் காங்கிரஸ் எம்​.பி. சக்​திசிங் கோஹிலும் அடுத்த ஆண்டு ஜூன் மாதம் ஓய்வு பெற உள்​ளார்.

மத்​திய பிரதேசத்​தில் மத்​திய இணை அமைச்​சர் ஜார்ஜ் குரியன், காங்​கிரஸ் மூத்த தலை​வர் திக்​விஜய் சிங்​கும் அடுத்த ஆண்டு ஜூன் மாதம் ஓய்வு பெறுகின்​றனர். ஆந்​தி​ரா​வில் தெலங்​கானா ஜனநாயக கட்​சி​யின் சனா சதீஷ் பாபு, ஒய்​எஸ்​ஆர்​சிபி தலைவர்கள் அயோத்தி ராமி ரெட்​டி, பரிமல் நத்​வானி, பில்லி சுபாஷ் ஆகியோர் ஓய்வு பெறுகின்​றனர். தெலங்​கா​னா​வில் காங்கிரஸ் தலை​வர்அபிஷேக் மனு சிங்வி ஏப்​ரல் 2026-ல் ஓய்வு பெறுகிறார்.

தமிழ்​நாட்​டில் 6 எம்​.பி.க்​களின் பதவி​களும் அடுத்த ஆண்டு நிறைவடைகிறது. இவர்​களில் திமுக​வின் என்​.ஆர்​.இளங்​கோ, அந்தியூர் செல்​வ​ராஜ், திருச்சி சிவா, கனி​மொழி சோமு ஆகியோர் உள்​ளனர். அதி​முக சார்​பில் ஜி,கே.​வாசன் மற்​றும் தம்​பிதுரை பதவி​கள் காலா​வ​தி​யாகின்​றன. ஜுலை 24-ல் பாமக.​வின் அன்​புமணி பதவி நிறைவடைகிறது. அதி​முக சார்​பில் தேர்ந்​தெடுக்கப்பட்ட ஜி.கே.​வாசனின் மாநிலங்​களவை இடம் அடுத்​து தேமு​தி​க​வுக்​கு செல்​லும்​ வாய்ப்​புகள்​ உள்​ளன.