இந்திய விமானப்படை ஓடுதளத்தை சட்டவிரோதமாக விற்ற தாய், மகன்: நடவடிக்கை எடுக்க நீதிமன்றம் உத்தரவு

பெரோஸ்பூர்: ​பாகிஸ்​தானையொட்டி அமைந்​துள்ள பஞ்​சாப் மாநிலம் பெரோஸ்​பூர் அரு​கிலுள்ள ஃபட்​டு​வல்லா கிராமத்​தில் இந்திய விமானப்​படைக்​குச் சொந்​த​மான விமான ஓடு​தளம் உள்​ளது. இது 1962, 1965, 1971-ம் ஆண்​டு​களில் நடந்த போரின்​போது இந்​திய விமானப்​படை விமானங்​களால் பயன்​படுத்​தப்​பட்ட ஓடு​தள​மாகும்.

இந்​நிலை​யில் பஞ்​சாபைச் சேர்ந்த பெண் உஷான் அன்​சால், அவரது மகன் நவீன் சந்த் ஆகியோர் இந்த ஓடு​தளம் அமைந்​துள்ள இடத்தை விற்​பனை செய்​துள்​ளனர். இதுதொடர்​பான வழக்கு பஞ்​சாப் மற்​றும் ஹரி​யானா உயர் நீதி​மன்​றத்​தில் விசா​ரணைக்கு வந்​த​போது, ஓடுதள விவ​காரம் குறித்து விசா​ரித்து அறிக்கை தாக்​கல் செய்​யு​மாறு பஞ்​சாப் மாநில ஊழல் கண்​காணிப்பு அமைப்​புக்கு (விபி) நீதி​மன்​றம் உத்​தர​விட்​டது.

இதைத் தொடர்ந்து கடந்த மாதம் 20-ம் தேதி நீதி​மன்​றத்​தில் தாக்​கல் செய்​யப்​பட்​டது. அந்த அறிக்​கை​யில் 28 ஆண்​டு​களுக்கு முன்​னர் அதாவது 1997-ல், போலிப் பத்​திரங்​களை உஷா அன்​சால், நவீன் சந்த் ஆகியோர் வரு​வாய்த்​துறை அதி​காரி​கள் உதவி​யுடன் தயாரித்து விற்​பனை செய்​தது கண்​டு​பிடிக்​கப்​பட்​டுள்​ளது ன்று கூறப்​பட்​டுள்​ளது. இதைத் தொடர்ந்து அவர்​கள் 2 பேர் மீது முதல் தகவல் அறிக்கை (எப்​ஐஆர்) பதிவு செய்​யப்​பட்​டுள்​ளது.

அந்த இடம் தங்​களுக்​குச் சொந்​த​மானது என்று கூறி வரு​வாய்த்​துறை அதி​காரி​களின் உதவி​யுடன் இந்த மோசடியை அரங்​கேற்​றி​யுள்​ளனர். ஓய்​வு​பெற்ற வரு​வாய்த்​துறை அதி​காரி நிஷான் சிங் என்​பவர் கொடுத்த புகாரின் பேரில் இந்த மோசடி விவ​காரம் வெளிச்​சத்​துக்கு வந்​துள்​ளது. உஷா அன்​சால், நவீன் ஆகியோர் மீது ஆள்​மாறாட்​டம், மோசடி, ஏமாற்​று​தல், போலி​யாக பத்​திரம் தயாரித்​தல் உள்​ளிட்ட பல்​வேறு பிரிவு​களின் கீழ் வழக்​குப் பதிவு செய்​யப்​பட்​டுள்​ளது.

இதுதொடர்​பாக விசா​ரிக்க போலீஸ் டிஎஸ்பி கரண் சர்மா தலை​மையி​லான விசா​ரணைக் குழு அமைக்​கப்​பட்​டுள்​ளது. இந்த இடம் தற்​போது மத்​தி​ய பாது​காப்​புத்​துறை அமைச்​சகத்​தின்​ வசம்​ உள்​ளது.பஞ்சாப் மாநிலம் பெரோஸ்பூர் அருகே ஃபட்டுவல்லா கிராமத்தில் அமைந்துள்ள விமான ஓடுதளம்.