அயோத்தி ராமர் கோயில் வளாகத்தில் உள்ள புதிய 8 சன்னதிகளில் சுவாமி சிலைகள் பிரதிஷ்டை

அயோத்தி: அயோத்தி ராமர் கோயி​லில் குழந்தை ராமர் சிலை​யின் பிராண பிர​திஷ்டை நிகழ்ச்சி கடந்​தாண்டு ஜனவரி 22-ம் தேதி பிரதமர் மோடி முன்​னிலை​யில் நடை​பெற்​றது. ராமர் கோயில் வளாகத்​தில் மற்ற சன்னதி​களின் கட்​டு​மானம் தொடர்ந்து நடை​பெற்று வந்​தது. இந்​நிலை​யில் அந்​தப் பணி​கள் நிறைவடைந்​த​தால், புதி​தாக கட்​டப்​பட்ட சன்னதிகளில் சுவாமி சிலைகள் பிர​திஷ்டை செய்​யும் நிகழ்ச்சி நேற்று காலை அபிஜித் முகூர்த்​தத்​தில் நடை​பெற்​றது. இதற்​கான யாக பூஜைகள் நேற்று காலை 6.30 மணிக்கு தொடங்​கின.

அதன்​பின் அனைத்து சன்னதி களி​லும் சுவாமி சிலைகள் பிர​திஷ்டை செய்​யப்​பட்​டன. ​ராம் தர்​பார், ஷேசாவ​தார், சிவன், விநாயகர், அனு​மன், சூர்​யா, பகவ​தி, அன்​னபூர்ணா ஆகிய சிலைகள் அந்​தந்த சன்னதி​களில் பிர​திஷ்டை செய்​யப்​பட்​டன. ராமர் கோயி​லின் முதல் தளத்​தில் உள்ள ராம் தர்​பாரில் உ.பி. முதல்​வர் யோகி ஆதித்​ய​நாத் வழி​பாடு நடத்​தி​னார். அதன்​பின் அரு​கில் உள்ள அனு​மன்​கர்கி கோயி​லில் வழிபட்​டார்.

இது குறித்து எக்ஸ் தளத்​தில் யோகி ஆதித்​ய​நாத் விடுத்​துள்ள செய்​தி​யில், ‘‘ ராமர் பிறந்த புனித இடமான அயோத்​தி​யில், சுவாமி சிலைகள் பிர​திஷ்டை செய்​யும் நிகழ்ச்​சியை காணும் பாக்​கி​யம் கிடைத்​துள்​ளது. ஒரே பாரதம், உன்னத பாரதம் என்​ப​தன் புதிய வெளிப்​பா​டாக இந்த சுபநிகழ்ச்​சிகள் நடை​பெற்​றுள்​ளன’’ என தெரி​வித்​தார்.

பாஜக விடுத்​துள்ள செய்​தி​யில், ‘‘ராமர் கோயி​லின் 2-வது பிராண பிர​திஷ்டை நிகழ்ச்சி முடிவடைந்​துள்​ளது. ராம ராஜ்ஜி​யத்தை நோக்கிச் செல்​வதற்கு இது இன்​னொரு வழி’’ என தெரி​வித்​துள்​ளது. ராமர் கோயில் அறங்​காவலர் அனில் மிஸ்ரா விடுத்​துள்ள செய்​தி​யில், ‘‘வேத பாரம்​பரி​யம் அடிப்​படை​யில், இந்த விழாக்​கள் ராமர் கோயி​ல் வளாகத்​தில் நடை​பெற்​றன. இதில் நாடு முழு​வதும் இருந்​து வேத​பண்​டிதர்​கள்​ பங்​கேற்​றனர்​’’ என்​றார்​.