பாஜகவில் தேசிய தலைவரை கூட தேர்ந்தெடுக்க முடியவில்லை: மக்களவையில் அகிலேஷ் கேள்விக்கு அமித் ஷா பதிலால் சிரிப்பலை

புதுடெல்லி: மக்களவையில் மத்​திய உள்துறை அமைச்​சர் அமித் ஷா மற்​றும் சமாஜ்​வாதி எம்​.பி அகிலேஷ் யாதவ் இடையி​லான அரசி​யல் கிண்டலால் சிரிப்​பலை எழுந்​தது.

வக்பு திருத்த மசோதா மீதான விவாதத்​தின்​போது சமாஜ்​வாதி கட்​சித் தலை​வரும் எம்​.பி.​யு​மான அகிலேஷ் யாதவ் பேசும்​போது, “இந்த மசோதா நம்​பிக்​கையை கொடுக்​கும் என அமைச்​சர் கூறுகிறார். ஆனால் அது எப்​படி என்று ஆங்​கிலத்​தில் அல்​லது இந்​தி​யில் கூட என்​னால் புரிந்​து​கொள்ள முடிய​வில்​லை” என்​றார். அப்​போது அவை​யில் சிரிப்​பலை ஏற்​பட்​டது.

அகிலேஷ் மேலும் கூறும்​போது, “உல​கிலேயே மிகப்​பெரிய கட்சி என கூறிக் கொள்​பவர்​களால் தங்​கள் தலை​வரைக் கூட தேர்ந்​தெடுக்க முடியவில்​லை” என்​றார்.

இதற்கு பாஜக எம்​.பி.க்​கள் கடும் எதிர்ப்பு தெரி​வித்​தனர். இதையடுத்​து, மத்​திய அமைச்​சர் அமித் ஷா எழுந்து நின்​று, “அகிலேஷ் சொன்​னது சிரிப்பை வரவழைத்​தது. நானும் அதே தொனி​யில் பதில் சொல்​கிறேன். ஒரு குடும்​பத்​தின் 5 உறுப்​பினர்​கள் மட்​டுமே சேர்ந்து உங்​கள் கட்​சி​யின் தலை​வரை தேர்ந்​தெடுக்க முடி​யும். ஆனால் எங்​கள் கட்​சித் தலை​வரை உரிய முறைப்​படி​தான் தேர்ந்​தெடுக்க முடி​யும். 12 முதல் 13 கோடி உறுப்பினர்​கள்​தான் எங்​கள் தலை​வரை தேர்ந்​தெடுப்​பார்​கள். எனவே, இதில் தாமதம் ஏற்​படத்​தான் செய்​யும். உங்​கள் விஷ​யத்​தில் ஒரு​போதும் தாமதம் ஏற்​ப​டாது. ஏனெனில் அடுத்த 25 ஆண்​டுக்கு நீங்​கள் தான் தலை​வ​ராக இருப்​பீர்​கள்” என்​றார். அமித் ஷாவின் இந்​தப் பேச்​சால் அவை​யில் மீண்​டும் சிரிப்​பலை ஏற்​பட்​டது.

பிரதமர் நரேந்​திர மோடி சமீபத்​தில் மகா​ராஷ்டிர மாநிலம் நாக்​பூரில் உள்ள ஆர்​எஸ்​எஸ் அலு​வல​கம் சென்​றிருந்​தார். இந்​நிலை​யில், அவருக்கு 75 வயது முடிய​வுள்ள நிலை​யில், தனக்கு பதவி நீட்​டிப்பு வேண்டி அங்கு சென்​றாரா என அகிலேஷ் மறை​முக​மாக கேள்வி எழுப்​பி​னார்.

பாஜகவைப் பொறுத்​தவரை 75 வயதுக்கு மேற்​பட்​ட​வர்​கள் அமைச்​சர் பதவி​யில் நீடிப்​ப​தில்​லை. இது அக்​கட்​சி​யின் எழுதப்​ப​டாத விதி​யாக உள்ளதாக கூறப்​படு​கிறது. ஆனால், அது​போன்ற வயது உச்​சவரம்பு எது​வும் இல்லை என பாஜக கூறி​யிருந்​தது. இதை மனதில் வைத்​து​தான் அகிலேஷ் யாதவ் அவ்​வாறு கூறி​யிருந்​தார்​ என்​பது குறிப்​பிடத்​தக்​கது.