இறக்குமதியை குறைக்க பருப்பு உற்பத்திக்கு முக்கியத்துவம்: பிரதமர் மோடி வலியுறுத்தல்

புதுடெல்லி: பருப்பு உற்பத்​தியை ஊக்கு​வித்து இறக்​கும​தியை குறைக்க வேண்​டும் என பிரதமர் நரேந்திர மோடி வலியுறுத்தி உள்ளார்.

வேளாண்மை மற்றும் ஊரக வளம் பற்றிய பட்ஜெட்டுக்கு பிந்தைய காணொலிவழி கருத்​தரங்கு நேற்று முன்​தினம் நடைபெற்​றது. துறை சார்ந்த உயர் அதிகாரிகள் பங்கேற்ற இதில் பிரதமர் மோடி பேசி​ய​தாவது: வேளாண்மை துறையை மேம்​படுத்​துதல் மற்றும் கிராமங்களை வளம் பெறச் செய்தல் ஆகிய 2 பெரிய இலக்​குகளை எட்டு​வதற்காக மத்திய அரசு பாடு​பட்டு வருகிறது. எனவே, மத்திய பட்ஜெட்​டில் வேளாண்மை மற்றும் ஊரக மேம்​பாடு தொடர்பாக அறிவிக்​கப்​பட்​டுள்ள திட்​டங்களை விரைவாக அமல்​படுத்த வேண்​டும்.

வேளாண் துறை​யின் திறனை பயன்​படுத்​திக் கொள்​வதற்​காக, குறைவான உற்பத்​தித் திறன் கொண்ட 100 வேளாண் மாவட்​டங்​களின் வளர்ச்​சி​யில் கவனம் செலுத்​தும் வகையில், பிரதமரின் தான் தான்ய கிரிஷி திட்டம் அறிவிக்​கப்​பட்​டுள்​ளது. நம் நாட்​டில் கடந்த சில ஆண்டு​களாக பருப்பு உற்பத்தி அதிகரித்​துள்ளது. குறிப்பாக பாசி பயறு, கொண்டை கடலை உற்பத்​தி​யில் தன்னிறைவை எட்டி உள்ளோம். ஆனாலும் ஒட்டுமொத்த பருப்பு நுகர்​வில் 20% இறக்​கும​தியை நம்பி இருக்​கிறோம். எனவே, துவரை, உளுந்து உள்ளிட்ட இதர பருப்பு வகைகளின் உற்பத்​தியை அதிகரிக்க வேண்​டும். இதற்காக அதிக மகசூல் தரும் விதைகளை விவசா​யிகளுக்கு வழங்க வேண்​டும். கலப்பின வகைகளை பயிரிடு​மாறு ஊக்கு​விக்க வேண்​டியது அவசி​யம். அதேநேரம், காலநிலை மாற்​றம், சந்தை நிச்​சயமற்ற தன்மை மற்றும் விலை ஏற்ற இறக்​கங்கள் உள்ளிட்ட சவால்களை சமாளிக்க விவசா​யிகளுக்கு உதவ வேண்​டும். இதன்​மூலம் பருப்பு இறக்​கும​தியை படிப்​படி​யாகக் குறைக்க வேண்​டும்.

நம்முடைய வளர்ந்த இந்தியா இலக்கு தெளிவாக உள்ளது. வளர்ச்​சி​யின் முதல் இயந்​திர​மாக​வும் விவசா​யிகளுக்கு பெருமை சேர்ப்​ப​தாக​வும் வேளாண்மை விளங்​கு​கிறது. எனவே, வளம் மற்றும் அதிகாரம் பெற்ற விவசா​யிகளைக் கொண்ட நாடாக இந்தியாவை கட்டமைத்து வருகிறோம். மேலும் விவசா​யிகளின் வருவாயை அதிகரிக்க, ஆண்டுக்கு ரூ.6 ஆயிரம் நிதி​யுதவி வழங்கி வரு​கிறோம். இதற்​காக, கடந்த 6 ஆண்​டு​களில் ரூ.3.75 லட்​சம் கோடியை அவர்​களுக்கு வழங்கி உள்​ளோம். இவ்​வாறு அவர்​ தெரி​வித்​தார்.