பள்ளிக்கரணை சதுப்பு நில விவகாரம்: தமிழக சுற்றுச்சூழல் மற்றும் வனத்துறை விளக்கம்

சென்னை: ‘​ராம்​சார் தலம் அமை​யும் நிலங்​கள் வரையறுக்​கப்​ப​டாத​தால், தற்​போதைய பள்​ளிக்​கரணை சதுப்​புநில காப்​புக்​காட்டு எல்​லைகளுக்கு வெளியே உள்ள தனி​யார் பட்டா நிலங்​களுக்கு மட்​டுமே ஒப்​புதல் வழங்​கப்​பட்​டுள்​ளது’ என சுற்​றுச்​சூழல் மற்​றும் வனத்​துறை விளக்​கம் அளித்​துள்​ளது.

சென்னை பெரும்​பாக்​கத்​தில், பள்​ளிக்​கரணை காப்​புக்​காடு ராம்​சார் தலத்​தில், அடுக்​கு​மாடி கட்​டிட திட்​டத்​துக்கு ஒப்​புதல் வழங்​கப்​பட்ட விவ​காரம் தொடர்​பாக, அறப்​போர் இயக்​கம் குற்​றச்​சாட்​டு​களை முன்​வைத்​தது. இதுதொடர்​பாக, பாஜக, அதி​முக தரப்​பிலும் கடுமை​யான விமர்​சனங்​கள் எழுந்​துள்​ளன.

இந்​நிலை​யி்ல், இதுதொடர்​பாக சுற்​றுச்​சூழல், காலநிலை மாற்​றம் மற்​றும் வனத்​துறை வெளி​யிட்ட விளக்​கத்​தில் கூறி​யிருப்​ப​தாவது: கடந்த 1971-ம் ஆண்டு ராம்​சார் தல, சட்ட செயல்​முறை​யின்​படி, 2017-ம் ஆண்டு ஈரநிலங்​கள் விதி​களின்​கீழ், சதுப்பு நிலம் என்​பது, சதுப்பு நிலம் அல்​லது காப்​புக்​காடு, ராம்​சார் தலம், ஈர நிலம் என 3 வகை​யாக அறிவிக்​கப்​படு​கிறது.

தமிழ்​நாடு வனச்​சட்​டத்​தின் கீழ், பள்​ளிக்​கரணை பகு​தி​யில், 698 எக்​டேர் பரப்​பு, பள்​ளிக்​கரணை சதுப்பு நிலக் காப்​புக் காடாக 2007-ல் அறிவிக்​கப்​பட்​டது. இந்த இடத்​தில் எவ்​வித​மான கட்​டு​மானங்​களுக்​கும் அனுமதிஅளிக்​கப்​படு​வ​தில்​லை. இது வனத்​துறைக்கு சொந்​த​மான பாது​காக்​கப்​பட்ட பகு​தி​யாகும்.

ராம்​சார் தலமாக அறிவிக்​கப்​பட்​டுள்ள 1,248 எக்​டேர் பரப்​பில் பள்​ளிக்​கரணை சதுப்​புநில காப்​புக்​காட்​டில் உள்ள 698 எக்​டேர் நில​மும், உரிய நடை​முறை​களுக்​குப் பின்பு வரையறுக்​கப்​பட​வுள்ள 550 எக்​டேர் கூடு​தல் நில​மும் அடங்​கும். ஈர நில விதி​களின்​படி பள்​ளிக்​கரணை சதுப்​புநில காப்​புக்​காடு​களுக்கு வெளி​யில் உள்ள நிலப்​பகு​தி​களை சர்வே எண்​களு​டன் கண்​டறிந்து வரையறுப்​ப​தற்​கான நில உண்மை கண்​டறிதல் இது​வரை மேற்​கொள்​ளப்​பட​வில்​லை.

தற்​போது, சுட்​டிக்​காட்​டப்​பட்டு வரும் கட்​டு​மானம் குறித்த நிலத்​தின் புல எண்​கள் வரு​வாய்த்​துறை ஆவணங்​களின்​படி இத்​தகைய தனி​யார் பட்டா நிலங்​கள் ஆகும். குறிப்​பிட்ட சர்வே எண்​களு​டன் எல்​லைகளை வரையறுக்​கும் பணி, மத்​திய அரசாங்க நிறு​வன​மான, தேசிய நிலை​யான கடற்​கரை மேலாண்மை மையத்​திடம் கடந்​தாண்டு நவம்​பர் மாதம் வழங்​கப்​பட்​டுள்​ளது. தற்​போது இந்த மையம், பள்​ளிக்​கரணை காப்​புக்​காடு ராம்​சார் தலத்​துக்​கான ஒருங்​கிணைந்த மேலாண்​மைத் திட்​டத்தை தயாரிக்​கும் பணி​யில் ஈடு​பட்​டுள்​ளது.

இம்​மேலாண்​மைத் திட்​ட​மானது, சர்வே எண்​களின் அடிப்​படை​யில் எல்​லைகளை வரையறுத்​தல், டிஜிட்​டல் வரைபடத்​தில் நிலப் பயன்​பாடு, ஈரநில பாது​காப்பு விதி​யின் ​கீழ் அனு​ம​திக்​கப்பட வேண்​டிய அல்​லது ஒழுங்​குபடுத்​தப்பட வேண்​டிய செயல்​பாடு​களின் பட்​டியலை தயாரித்​தல் ஆகிய​வற்றை உள்​ளடக்​கியது.

மேலும், ஈரநிலங்​கள் விதி​கள், 2017-ஐ செயல்​படுத்​து​வதற்​கான வழி​காட்​டு​தலில், ராம்​சார் தலத்தை அறிவிக்​கும் செயல்​முறை, ராம்​சார் தலத்​துக்​குள் உள்ள சர்வே எண்​கள் உட்பட வரைபடம் மற்​றும் திட்​டத்தை பொது களத்​தில் வைப்​ப​தாகும்.

மேலும், ராம்​சார் தலமாக அறிவிக்​கும் செயல்​முறை​யின் ஒரு பகு​தி​யாக, இதனை 60 நாட்​களுக்​குள் ஒரு பொது ஆலோ​சனைக்கு உட்​படுத்​து​வது என்ற செயல்​முறை​யும் வரையறுக்​கப்​பட்​டுள்​ளது. இதுத​விர ஆட்​சேபனை தெரிவிக்​கும் நபர்​களிட​மிருந்து பெறப்​பட்ட கருத்​துகள் அல்​லது பரிந்​துரைகளைப் பரிசீலித்து அதனை நிவர்த்தி செய்ய மாநில அரசுக்கு 240 நாள் காலக்​கெடு​வும் வழங்​கப்​பட்​டுள்​ளது.

ஆதாரமற்றவை: எனவே, ஈரநில விதி​களின்​படி பள்​ளிக்​கரணை ஈரநில அறி​விப்பு இன்​னும் இறுதி செய்​யப்​ப​டாத நிலை​யில், மனு​வில் குறிப்​பிடப்​பட்​டுள்ள சர்வே எண்​கள் பட்டா நிலங்​கள் என்​ப​தால், செய்​தித்​தாள் கட்​டுரைகளில் குறிப்​பிடப்​பட்​டுள்ள குற்​றச்​சாட்​டு​கள் அனைத்​தும் அடிப்​படை ஆதா​ரமற்​றவை.

மேலும், பள்​ளிக்​கரணை சதுப்பு நிலத்​தின் ராம்​சார் தல எல்லை வரையறை​யானது, குறிப்​பிட்ட சர்வே எண்​களு​டன் ஒப்​பிட்டு பரப்​பளவை வரையறுப்​பது, நில உண்மை கண்​டறிதல் சோதனை மற்​றும் அறி​விப்பு ஆகிய நடவடிக்​கைகள் மேற்​கொள்​ளப்​பட்ட பின்​னரே நடை​முறைக்கு வரும்.

ராம்​சார் தலம் அமை​யும் நிலங்​கள் இன்​னும் புல எண்​களு​டன் குறிப்​பிடப்​பட்டு வரையறுக்​கப்​ப​டாத​தால், தற்​போதைய பள்​ளிக்​கரணை சதுப்பு நில காப்​புக்​காட்டு எல்​லைகளுக்கு வெளியே உள்ள தனி​யார் பட்டா நிலங்​களுக்கு மட்​டுமே சம்​பந்​தப்​பட்ட அலு​வலர்​களால் ஒப்​புதல்​கள் வழங்​கப்​பட்​டுள்​ளது. இவ்​வாறு அதில் கூறப்​பட்​டுள்​ளது.