தீபாவளியன்று காற்று, ஒலி மாசு பெசன்ட் நகரில் குறைவு: மாநில மாசு கட்டுப்பாட்டு வாரியம் தகவல்

சென்னை: தீ​பாவளி பண்​டிகையன்று காற்று மற்​றும் ஒலி மாசு குறைந்த பகு​தி​யாக பெசன்ட் நகரும், அதி​கரித்த பகு​தி​களாக வளசர​வாக்​கம், திரு​வொற்​றியூரும் கண்​டறியப்​பட்​ட​தாக மாநில மாசு கட்​டுப்​பாட்டு வாரி​யம் தெரி​வித்​துள்​ளது.

இது தொடர்​பாக, தமிழக மாசு கட்​டுப்​பாட்டு வாரி​யம் விடுத்​துள்ள அறிக்​கை​யில் கூறி​யிருப்​ப​தாவது: உச்ச நீதி​மன்ற உத்​தர​வு, மத்​திய மாசு கட்​டுப்​பாட்டு வாரி​யம் மற்​றும் தமிழக அரசின் அறி​வுறுத்​தல்​படி தீபாவளி பண்​டிகையன்று காலை 6 மணி​முதல் 7 மணி வரை​யிலும், இரவு 7 மணி​முதல் 8 மணி வரை​யிலும் பசுமைப் பட்​டாசுகளை வெடிக்க அறி​வுறுத்​தப்​பட்​டது.

பட்​டாசுகளை வெடிப்​ப​தன் மூலம் ஏற்​படும் சுற்​றுச்​சூழல் மாசு மற்​றும் உடல்​நலனில் ஏற்​படும் பாதிப்​பு​கள் குறித்​தும், தமிழக மாசு கட்​டுப்​பாட்டு வாரி​யம் போதிய விழிப்​புணர்வு நடவடிக்​கைகளை மேற்​கொண்டு வரு​கிறது.

தீபாவளி பண்​டிகையன்று பட்​டாசு வெடிப்​ப​தால் ஏற்​படும் காற்று மற்​றும் ஒலி மாசு அளவைக் கண்​டறிய தமிழகம் முழு​வதும் சென்னை உட்பட பல்​வேறு மாவட்​டங்​களில் காற்று மாசு ஆய்வுகள் 39 இடங்​களிலும், ஒலி மாசு ஆய்வுகள் 34 இடங்களிலும் மேற்​கொள்​ளப்​பட்​டன.

அதன்​படி, தீபாவளி​யான அக்​.20 காலை 6 மணி​முதல் மறு​நாள் அக்​.21 காலை 6 மணிவரை மேற்​கொள்​ளப்​பட்ட ஆய்​வில், காற்று தர குறி​யீடு பெசன்ட் நகரில் மித​மான அளவாக 190 ஆக இருந்​தது. ஆனால், மிக மோச​மான அளவாக வளசர​வாக்​கத்​தில் 332 வரை உச்​சபட்ச காற்று தர குறி​யீடு கண்​டறியப்​பட்​டது. இதே​போல, தமிழகத்​தின் பல்​வேறு பகு​தி​களி​லும் அளவீடு செய்​யப்​பட்​டது.

மேலும், தீபாவளி பண்​டிகையன்று அக்​.20 மாலை 6 மணி​முதல் இரவு 12 மணிவரை குறைந்த ஒலி மாசு பெசன்ட் நகரில் 62.8 டெசிபல் அளவாக பதி​வானது. அதி​கபட்ச ஒலி அளவு திரு​வொற்​றியூரில் 88.4 டெசிபல் அளவாக பதி​வாகி​யுள்​ளது.

தீபாவளிப் பண்​டிகையன்று கண்​டறியப்​பட்ட காற்று மற்​றும் ஒலி மாசு அளவு​கள், வரையறுக்​கப்​பட்ட தேசிய சுற்​றுப்​புற காற்று மற்​றும் ஒலி மாசின் அளவு​களை விட அதி​க​மாக இருந்​தது ஆய்​வின் மூலம் தெரிய​வந்​துள்​ளது என அறிக்​கை​யில் தெரிவிக்​கப்​பட்​டுள்​ளது.