விநாயகர் சிலை கரைப்பால் கடற்கரைகளில் கரை ஒதுங்கிய 140 டன் கழிவுகள் அகற்றம்

சென்னை: சென்​னை​யில் விநாயகர் சிலை கரைப்​பால் கடற்​கரைகளில் 2 நாட்​களாக கரை ஒதுங்​கிய 140 டன் கழி​வு​கள் அகற்றப்பட்​டன. நாடு முழு​வதும் விநாயகர் சதுர்த்தி விழா கடந்த 27-ம் தேதி கோலாகல​மாக கொண்​டாடப்​பட்​டது. இதையொட்​டி, சென்னை மாநகரில் 1800-க்​கும் மேற்​பட்ட விநாயகர் சிலைகள் பிர​திஷ்டை செய்து வழி​பாடு நடத்​தப்​பட்​டது.

இந்​நிலை​யில், பலத்த பாது​காப்​புடன் விநாயகர் ஊர்​வலம் நேற்று முன்தினம் ஞாயிற்​றுக்​கிழமை நடை​பெற்​றது. சிலைகளை கரைக்க சென்னை​யில் பட்​டினப்​பாக்​கம் - சீனி​வாசபுரம், காசி மேடு மீன்​பிடி துறை​முகம், திரு​வொற்​றியூரில் உள்ள பாப்​புலர் எடைமேடை பின்​புறம் மற்​றும் யுனிவர்​சல் கார்​போரண்​டம் தொழிற்​சாலைக்கு பின்​புறம், நீலாங்​கரை- பல்​கலைநகர், எண்​ணூர்- ராமகிருஷ்ணா நகர் ஆகிய 6 இடங்​களில் மட்​டுமே அனு​ம​திக்​கப்​பட்​டது.

சென்​னை​யின் பல்​வேறு பகு​தி​களி​லிருந்து வாக​னங்​களில் விநாயகர் சிலைகள் ஏற்றி வரப்​பட்டு ராட்சத கிரேன்​கள் மூலம் தூக்​கிச் சென்று கடலில் பாது​காப்​பாக கரைக்​கப்​பட்​டன. அவ்​வாறு கடலில் கரைக்​கப்​பட்ட சிலைகளி​லிருந்து மரக்​கட்​டைகள் உள்​ளிட்​டவை 2 நாட்​களாக கரை ஒதுங்கி வரு​கின்​றன.

இவற்றை அகற்​றும் பணி​யில் 100-க்​கும் மேற்​பட்ட மாநக​ராட்சி தூய்​மைப் பணி​யாளர்​கள் ஈடு​படுத்​தப்​பட்​டனர். அவர்​கள் கடந்த 2 நாட்​களாக மொத்​தம் 140 டன்கழி​வு​களை அகற்​றி​யுள்​ளனர். அதி​கபட்​ச​மாக மெரினா லூப் சாலை​யில் 49 டன், சீனி​வாசபுரம் பகு​தி​யில் 43 டன் கழி​வு​கள் அகற்​றப்​பட்​ட​தாக மாநக​ராட்சி நிர்​வாகம்​ தெரி​வித்​துள்​ளது.