தமிழ்நாடு திறந்தநிலை பல்கலை. மாணவர் சேர்க்கை தொடக்கம்

தமிழ்நாடு திறந்தநிலை பல்கலைக்கழகத்தில் இளநிலை, முதுநிலை பட்டப் படிப்புகளுக்கான மாணவர் சேர்க்கை தொடங்கப்பட்டுள்ளது.

இதுகுறித்து பல்கலைக்கழக பதிவாளர் கு.ரத்னகுமார் வெளியிட்ட செய்திக்குறிப்பு: தமிழ்நாடு திறந்தநிலை பல்கலை.யில் இந்த கல்வி ஆண்டுக்கான (2022-23) மாணவர் சேர்க்கை பணிகள் தொடங்கியுள்ளன.

அதன்படி யுஜிசி அங்கீகாரம் பெற்ற இளநிலை, முதுநிலை பட்டப் படிப்புகளின் விவரம், கல்வித் தகுதி, கட்டணம் உள்ளிட்ட விவரங்களை https://tnou.ac.in என்ற இணையதளத்தில் அறிந்து கொள்ளலாம். இப்படிப்புகளில் சேர விருப்பம் உள்ள மாணவர்கள் திறந்தநிலை பல்கலை.யின் மண்டல மையங்களுக்கு சென்று சேர்க்கையை பதிவு செய்து கொள்ளலாம்.

கூடுதல் விவரங்களுக்கு 9345913378, 044-24306664/15 ஆகிய தொலைபேசி எண்கள் மற்றும்tnouadmission@gmail.com என்ற மின்னஞ்சல் முகவரியில் தொடர்பு கொள்ளலாம்.