இலவசக் கட்டாயக் கல்வி உரிமைச் சட்டத்தின்கீழ் 82 ஆயிரம் மாணவர்கள் விண்ணப்பம்: அக்.31-ல் குலுக்கல் 

சென்னை: நடப்​பாண்டு இலவசக் கட்​டாயக் கல்வி உரிமைச் சட்​டத்​தின்​படி (ஆர்​டிஇ) சேர்க்​கைக்கு 82,016 மாணவர்​கள் விண்​ணப்​பித்​துள்​ளனர். இதற்​கான குலுக்​கல் தேர்வு முறை அக்​.31-ல் நடை​பெறும் என பள்​ளிக்​கல்​வித் துறை தெரி​வித்​துள்​ளது.

இலவசக் கட்​டாயக் கல்வி உரிமைச் சட்​டத்​தின்​படி தனியார் பள்​ளி​களில் 25 சதவீத இடங்களில் ஏழைக் குழந்தைகள் சேர்க்கப்​படு​வார்​கள். இதன்படி, தமிழகத்​தில் இது​வரை 5 லட்​சம் குழந்தைகள் தனி​யார் பள்​ளி​களில் படிக்கின்​றனர். இந்த திட்​டத்​துக்​கான நிதியை மத்​திய அரசு வழங்​காத​தால், 2025-26-ம் கல்​வி​யாண்​டுக்​கானமாணவர் சேர்க்​கையை பள்​ளிக்​கல்​வித் துறை நிறுத்தி வைத்​திருந்​தது. இதுகுறித்த வழக்​கில் உயர் நீதி​மன்​றமும் உச்ச நீதி​மன்​ற​மும் அறி​வுறுத்தியதை யடுத்து மத்​திய அரசு நிதியை விடு​வித்​தது. இதையடுத்து பள்​ளி​களில் ஏற்​கெனவே சேர்க்​கப்​பட்ட மாணவர்​களில் தகு​தி​யானவர்​களை ஆர்​டிஇ ஒதுக்​கீட்​டில் பதிவு செய்ய வேண்​டுமென அறி​வுறுத்​தப்​பட்​டது. அதன்​படி, மாநிலம் முழு​வதும் உள்ள 7,717 பள்​ளி​களில் எல்​கேஜிவகுப்​பில் 81,927 குழந்தைகளும், ஒன்​றாம் வகுப்​பில் சேர 89 பேரும் விண்​ணப்​பித்​தனர்.

இதுகுறித்து பள்​ளிக்​கல்​வித்துறை செயலர் பி.சந்​திரமோகன் வெளி​யிட்ட செய்​திக்குறிப்பு: ஒதுக்​கப்​பட்​ட இடங்​களை​விட விண்​ணப்​பங்​கள் குறை​வாக உள்ள பள்​ளி​களில் தகு​தி​யுள்ள மாணவர்​களின் சேர்க்கை அக். 30-ல் நடை​பெறும். ஒதுக்​கீட்​டை​விட அதிக விண்​ணப்​பங்​கள் வந்த பள்​ளி​களில் தலைமை ஆசிரியர் மற்​றும் பெற்​றோர் முன் குலுக்​கல் முறை​யில் அக்​.31-ம் தேதி மாணவர்​கள் தேர்வு செய்​யப்​படு​வார்​கள். இந்த சேர்க்கை செயல் முறை பள்​ளிக்​கல்​வித் துறை வலைத்​தளம் மூலம் வெளிப்​படையாக செயல்​படுத்​தப்​படுகிறது இதை மாவட்​டக் கல்வி அலு​வலர்​கள், கண்​காணிப்​புக் குழுக்​கள் மேற்​பார்​வை​யிடு​வார்​கள். ஆதர​வற்​றோர், எச்​ஐவி பாதித்தோர், 3-ம் பாலினத்​தவர், மாற்​றுத்​திற​னாளி​கள், துப்​புர​வுத் தொழிலா​ளர்​களின் குழந்​தைகளுக்கு முன்​னுரிமை வழங்​கப்​படும். இவ்​வாறு அதில்​ கூறப்​பட்​டுள்​ளது.