இந்திய - ஜப்பான் தொழில் வர்த்தக சபை சார்பில் ஆன்லைனில் ஜப்பானிய மொழி பயிற்சி

சென்னை: இந்​தி​ய-ஜப்​பான் தொழில் வர்த்தக சபை சார்​பில், ஆன்​லைனில் ஜப்​பானிய மொழி பயிற்சி அளிக்​கப்​படு​கிறது.

இதுதொடர்​பாக, சென்​னை, தேனாம்​பேட்​டை​யில் இயங்கி வரும் இந்​தி​ய-ஜப்​பான் தொழில் வர்த்தக சபை​யின் பொதுச்​செய​லா​ளர் சுகுணா ராமமூர்த்தி நேற்று வெளி​யிட்ட செய்​திக்குறிப்​பு: இந்​தி​ய-ஜப்​பான் தொழில் வர்த்தக சபை​யின் மொழிப் பள்ளி, ஜப்​பானிய மொழி பற்​றிய ஆரம்​பநிலை பயிற்​சியை ஆன்​லைன் வாயி​லாக அளிக்க உள்​ளது. இதில், ஜப்​பானிய மொழி​யில் பேசுவது, எழுது​வது குறித்து சொல்​லித் தரப்​படும்.

இதற்​கான, ஆன்​லைன் வகுப்பு ஒவ்​வொரு வார​மும் ஞாயிற்​றுக்​கிழமை மட்​டும் பிற்​பகல் 2 மணி முதல் மாலை 5 மணி வரை நடை​பெறும். இந்த பயிற்​சி​யில் சேரு​வோருக்கு ஜப்​பானிய மொழி மட்​டுமின்றி ஜப்​பானிய கலை, கலாச்​சா​ரம், வணிக நடமுறை​கள் ஆகிய​வும் கற்​றுத் தரப்​படும். வகுப்பு நவ. 2-ம் தேதி தொடங்​கு​கிறது.

இப்​ப​யிற்​சி​யில் சேரும் மாணவர்​களை, அடுத்த ஆண்டு ஜூலை மாதம் ஜப்​பான் ஃபவுண்​ டேஷன் சார்​பில் நடத்​தப்பட உள்ள ‘ஜெஎல்​பிடி என்-5 லெவல்’ தேர்​வுக்கு தயார்​படுத்​தும் வகை​யில் பயிற்சி அமைந்​திருக்​கும். இந்த ஆன்​லைன் பயிற்சி வகுப்​பில் சேர விரும்​பும் மாணவர்​கள் 98843 94717 என்ற எண்​ணில் தொடர்பு கொள்​ளலாம். மேலும், www.ijcci.com என்ற இணை​யதளத்​தி​லும் விவரங்​களை அறிந்​து​கொள்​ளலாம். இவ்​வாறு அவர் தெரி​வித்​து உள்ளார்.