தமிழகம் முழு​வதும் 4.18 லட்​சம் பேர் எழுதிய குரூப் 2 தேர்வு சற்று கடினம்

சென்னை: டிஎன்​பிஎஸ்சி குரூப் 2 மற்​றும் குரூப் 2ஏ முதல்​நிலைத் தேர்வு சற்று கடின​மாக இருந்​த​தாக பட்​ட​தா​ரி​கள் தெரி​வித்​தனர். தமிழகத்​தில் அரசுத் துறை​களில் குரூப் 2, 2ஏ பணி​களில் உள்ள 645 காலி​யிடங்​களை நிரப்​புவதற்​கான அறி​விப்​பாணை கடந்த ஜூலை 15-ம் தேதி வெளி​யானது. முதல்​நிலைத் தேர்​வுக்கு 5 லட்​சத்து 53,634 பட்​ட​தா​ரி​கள் விண்​ணப்​பித்​தனர். இவர்​களுக்​கான தேர்வு தமிழகம் முழு​வதும் 1,905 மையங்​களில் நேற்று நடை​பெற்​றது.

இதில் 4 லட்​சத்து 18,791 பேர் பங்​கேற்​றனர். 1 லட்​சத்து 34,843 பேர் தேர்​வு எழுதவில்லை. இந்த முறை முதல்​நிலைத் தேர்வு வினாத்​தாள் சற்று கடின​மாக இருந்​த​தாக​வும், பொது அறிவு மற்​றும், பொது தமிழ் வினாக்​கள் எதிர்​பாரா பகு​தி​களில் இருந்து கேட்​கப்​பட்​ட​தாக​வும் தேர்​வர்​கள் தெரி​வித்​தனர். மேலும், வினாத்​தாளில் மத்​திய அரசின் ஸ்வச் பாரத் மிஷன் திட்​டம், மகளிர் இடஒதுக்​கீடு மசோ​தா, தமிழக அரசின் மகளிர் உரிமைத் தொகை தொடர்​பான கேள்வி​களும் இடம்​பெற்​றன.

இதற்​கிடையே டிஎன்​பிஎஸ்சி தலை​வர் எஸ்​.கே.பிர​பாகர் சென்னை சேத்​துப்​பட்​டு தனி​யார் பள்​ளி​யில் அமைக்​கப்​பட்ட தேர்வு மையத்தில் ஆய்வு செய்​தார். அப்​போது அவர் செய்​தி​யாளர்​களிடம் கூறிய​தாவது: குரூப் 2 முதல்​நிலைத் தேர்வு முடிவு​கள் டிசம்​பர் மாதம் வெளி​யிடப்​படும். தொடர்ந்து முதன்​மைத் தேர்​வு​கள் 2026 மார்ச் மாதம் நடை​பெறும். இதுத​விர குரூப் 4-ல் 4,662 பணி​யிடங்​கள் நிரப்​பப்பட உள்​ளன.

இதற்​கான முடிவு​கள் அக்​டோபரில் வெளி​யாகும். மேலும் 2026-ம் ஆண்​டுக்​கான டிஎன்​பிஎஸ்​சி​யின் வரு​டாந்​திர கால அட்​ட​வணை டிசம்​பருக்​குள் வெளி​யாகும். ஓம்​எம்​ஆர் தாளில் பல முன்​னேற்​றங்​கள் கொண்டு வந்​துள்​ளோம். அதில் உரிய பாது​காப்பு முறை​கள் உள்​ளன. குரூப் 2, 2ஏ பதவி​களில் காலிப்​பணி​யிடங்​கள் எண்​ணிக்கை அதி​கரிக்​க வாய்ப்​புள்​ளது. இவ்வாறு கூறினார்.