ஓமந்தூரார், ஸ்டான்லி அரசு மருத்துவக் கல்லூரியில் மருத்துவம் சார்ந்த சான்றிதழ் பாடப்பிரிவு விண்ணப்பிக்க இன்று கடைசி

சென்னை: ஓமந்​தூ​ரார் அரசு பன்​னோக்கு உயர் சிறப்பு மருத்​து​வ​மனை மற்​றும் ஸ்டான்லி அரசு மருத்​து​வக் கல்​லூரி​யில் மருத்துவம் சார்ந்த சான்​றிதழ் பாடப்​பிரிவு​களுக்கு இன்று (செப். 12) மாலைக்​குள் விண்​ணப்​பிக்க வேண்​டும் என்று சென்னை மாவட்ட ஆட்​சி​யர் ரஷ்மி சித்​தார்த் ஜகடே தெரி​வித்​துள்​ளார்.

இது தொடர்​பாக அவர் வெளி​யிட்ட செய்​திக்​குறிப்​பில் கூறி​யிருப்​ப​தாவது: சென்னை ஓமந்​தூ​ரார் அரசு பன்​னோக்கு உயர் சிறப்பு மருத்​து​வ​மனை மற்​றும் ஸ்டான்லி அரசு மருத்​து​வக் கல்​லூரி​யில் 2025-26-ம் கல்​வி​யாண்​டில் கார்​டியோசோனோகி​ராஃபி, ஈசிஜி, ட்ரெட்​மில், இதய அறுவை சிகிச்சை ஆய்​வகம், அவசர சிகிச்​சைப் பிரிவு, சுவாச சிகிச்சை பிரிவு, டயாலிசிஸ், மயக்க மருந்​து, ஆபரேஷன் தியேட்​டர், முடநீக்​கியல் பிரிவு, மருத்​து​வப் பதிவு போன்​றவற்​றில் டெக்​னீஷிய​னாக பணிபுரிவதற்​கான ஓராண்டு சான்​றிதழ் பயிற்​சிகள் வழங்​கப்​படு​கின்​றன.

நடப்​பாண்​டில் சான்​றிதழ் பாடப்​பிரிவு​களுக்​காக ஓமந்​தூ​ராரில் 240 காலியிடங்களும், ஸ்டான்​லி​யில் 393 காலி​யிடங்​களும் உள்ளன. இந்த பாடப்​பிரிவு​களுக்கு மாவட்ட அளவி​லான சேர்க்​கைக்​கும், முன் விண்​ணப்​பமில்லா நேரடி சேர்க்​கைக்​கும் தற்​போது விண்​ணப்​பங்​கள் பெறப்​பட்டு வரு​கின்​றன. விண்​ணப்​ப​தா​ரர்​கள் 17 வயது நிறைவடைந்து 10-ம் வகுப்பு அல்​லது மேல்​நிலைப் பள்ளி படிப்​பில் தேர்ச்சி பெற்​றவ​ராக இருக்க வேண்​டும். மாற்​றுத் திற​னாளி​களுக்கு 5 சதவீத இட ஒதுக்​கீடு வழங்​கப்​படும்.

தகு​தி​யுள்ள நபர்​கள் இம்​மருத்​து​வ​மனை​களில் உள்ள இயக்​குநர் அலு​வல​கங்​களில் கட்​ட​ணமின்றி வழங்​கப்​படும் விண்​ணப்​பப் படிவங்​களை பெற்று பூர்த்தி செய்து இன்று (செப். 12) மாலை 5 மணிக்​குள் சமர்ப்​பிக்க வேண்​டும்.

தகு​திப் பட்​டியல் வரும் 16-ம் தேதி வெளி​யிடப்​பட்​டு, செப். 20 முதல் சேர்க்கை நடை​பெறும். செப். 22 முதல் மீத​முள்ள இடங்​களுக்கு நேரடி மாணவர் சேர்க்கை நடை​பெறும். அக். 6-ம் தேதி முதல் வகுப்​பு​கள் தொடங்​கும்.

சென்னை மாவட்​டத்​தைச் சேர்ந்த, மருத்துவம் சார்ந்த சான்​றிதழ் பாடப்​பிரிவு​களில் பயில ஆர்​வம் உள்ள மாணவ, மாணவி​கள் கூடு​தல் விவரங்​களுக்கு https://tngmssh.gov.in மற்​றும் https://stanleymedicalcollege.in/ என்ற இணை​யதளங்​களை​யும், 044-25666000, 9840505701 என்ற தொலைபேசி எண்​களை​யும், tngmssh@gmail.com, stanleycollege19@gmail.com ஆகிய மின்​னஞ்​சல் முகவரியை​யும் தொடர்​பு கொள்ளலாம்​. இவ்​வாறு அதில் கூறப்பட்டுள்ளது.