போதையில்லா தமிழகத்தை உருவாக்க வேண்டும்: அமைச்சர் அன்பில் மகேஸ் வலியுறுத்தல்

சென்னை: ​போதைப் பொருள் பயன்​பாடு​களை தடுத்​து, போதை​யில்லா தமிழகத்தை உரு​வாக்க அனை​வரும் ஒருங்​கிணைந்து செயல்பட வேண்​டும் என, அமைச்​சர் அன்​பில் மகேஸ் வலி​யுறுத்​தி​னார். தமிழகத்​தில் 13,903 உயர்​நிலை மற்​றும் மேல்​நிலைப் பள்ளி​களில், போதை எதிர்ப்பு மன்​றங்​கள் ஏற்​படுத்​தப்​பட்​டுள்​ளன. இந்த மன்​றங்​களில் உள்ள மாணவர்​கள் பல்​வேறு நிகழ்வுகளிலும் ஓவியப் போட்​டிகள் மற்​றும் சுவரொட்​டிகள் மூலம் போதை எதிர்ப்பு விழிப்​புணர்வு சார்ந்த புத்​தாக்க பயிற்சிகளில் பங்​கேற்று வரு​கின்​றனர்.

இந்​நிலை​யில், அரசுப் பள்​ளி​களில் பயிலும் 9 முதல் 12-ம் மாணவர்​களிடம் வாழ்​வியல் திறன்​களு​டன் அவர்​களின் பன்​முகத் திறன்ககளை வெளிப்​படுத்​து​வதற்​கான கலைப் பட்​டறையை பள்​ளிக் கல்​வித் துறை அமைச்​சர் அன்​பில் மகேஸ், சென்​னை​யில் நேற்று தொடங்கி வைத்​தார். அதைத் தொடர்ந்​து, போதை​யில்லா தமிழகம் எனும் தலைப்​பில் மாணவர்​கள் வரைந்த ஓவி​யங்​களை அமைச்​சர் மகேஸ் பார்​வை​யிட்​டார். அதில் சிறந்த ஒவி​யங்​களை வரைந்த மாணவர்​களுக்கு சான்​றிதழ்​கள் வழங்​கி​னார்.

நிகழ்ச்​சி​யில், அமைச்​சர் அன்​பில் மகேஸ் பேசி​ய​தாவது: பள்ளி மாணவர்​களிடம் போதைப் பொருள்​கள் பயன்​பாட்டை தடுப்​ப​தற்​காக, பல்​வேறு முன்​னெடுப்​பு​களை பள்​ளிக் கல்​வித் துறை மேற்​கொண்டு வரு​கிறது. அதன் ஒருபகு​தி​யாக, மாணவர்​களிடையே போதைக்கு எதி​ரான சிந்​தனையை உரு​வாக்க ஓவியப் போட்டி கலைப்​பட்​டறை என்ற பெயரில் நடத்​தப்​பட்​டுள்​ளது.

தொடர்ந்து, அனைத்து பள்​ளி​களி​லுள்ள போதை எதிர்ப்பு மன்ற ஒருங்​கிணைப்​பாளர்​களுக்​கும் பயிற்சி வழங்கி மாணவர்​களுக்கு கலைப்​பட்​டறை செயல்​பாடு​கள் செயல்​படுத்​தப்​பட​வுள்​ளது. வாழ்​வியல் திறன் உள்​ளிட்ட பயிற்​சிகளுக்கு அரசின் சார்​பில் ரூ.1.50 கோடி நிதி ஒதுக்​கப்​பட்டு உள்ளது.

போதை​யில்லா தமிழகத்தை உரு​வாக்க காவல் துறை மட்​டும் நடவடிக்கை மேற்​கொண்​டால் போதாது. அவர்​களு​டன் மாணவர்கள், பொது​மக்​கள் என அனை​வரும் ஒருங்​கிணைந்து விழிப்​புணர்வு உள்​ளிட்ட பல்​வேறு செயல்​பாடு​களில் ஈடுபட வேண்​டும். இவ்​வாறு அவர் கூறி​னார். இந்​நிகழ்ச்​சி​யில், பள்​ளிக் கல்வி இயக்​குநர் ச.கண்​ணப்​பன், தேர்​வுத் துறை இயக்​குநர் கே.சசிகலா உள்​ளிட்​டோர் கலந்​துக் கொண்​டனர்.