சாட்ஜிபிடி மூலம் ஏஐ செயலி உருவாக்க பயிற்சி: சென்னையில் நாளை முதல் 2 நாட்கள் நடக்கிறது

சென்னை: ​சாட்​ஜிபிடி, ஜெமினி ப்ரோ போன்​றவற்றை பயன்​படுத்தி ஏஐ செயலி உரு​வாக்​கும் பயிற்சி வகுப்பு சென்​னை​யில் நாளை முதல் 2 நாட்​கள் நடை​பெறுகிறது. சென்னை கிண்​டி​யில் செயல்​பட்டு வரும் தமிழ்​நாடு தொழில் முயற்சி மேம்​பாடு மற்​றும் புத்தாக்க நிறு​வனத்​தில் செயற்கை நுண்​ணறிவை (ஏஐ) பயன்​படுத்தி செயலி உரு​வாக்​குதல் குறித்த 2 நாள் பயிற்சி வகுப்பு நாளை (ஆக.5) தொடங்​கு​கிறது.

‘ஸ்ட்​ராட்’ தொழில்​முனை​வோர் பள்​ளி​யுடன் இணைந்து நடத்​தப்​படும் இந்த பயிற்சி முகாம் காலை 10 முதல் மாலை 5 மணி வரை நடத்​தப்​படும். இதில் சாட்​ஜிபிடி, ஜெமினி ப்ரோ, நோட்​புக் எல்​எம், பயர்​பேஸ், கிளைட், ஜேப்​பியர், போல்ட், ரெப்​லிட் போன்ற பிரபல​மான தளங்​களைக் கொண்டு ஏஐ இணை​யதளம் மற்​றும் செயலிகளை உரு​வாக்​கு​வது குறித்து நேரடி பயிற்சி வழங்​கப்​படும்.

மேலும் முன்​னணி ஸ்டார்ட்​-அப் நிறு​வனங்​கள் பயன்​படுத்​தும் நோ-கோட், லோ-கோட் ஏஐ கருவி​கள் குறித்​தும், ஏஐ மாதிரி​களை உரு​வாக்​கு​வது தொடர்​பாக​வும் செயல்​முறை விளக்​கம் அளிக்​கப்​படும். அதே​போல் ஏஐ மூலம் இயங்​கும் இணை​யதளங்​கள் மற்​றும் செயலிகளின் செயல்​பாடு​களை தெரிந்​து​கொள்​ளுதல், பிரச்​சினை​களுக்கு ஏஐ மூலம் தீர்வு காணுதல், கல்​வி, மருத்​து​வம், நிதி, சில்லறை வணி​கம் போன்ற துறை​களில் ஏஐ முன்​மா​திரி​களை தயாரித்து முதலீட்​டாளர்​கள், ஆலோ​சகர்​களுக்கு சமர்ப்​பித்​தல், ஏஐ சார்ந்த வணி​கத்தை உரு​வாக்​குதல் உள்​ளிட்​டவை குறித்​தும் முகாமில் எடுத்​துரைக்​கப்​படும்.

இப்​ப​யிற்சி வகுப்​பில் 18 வயது நிரம்​பிய தகு​தி​யுள்ள மாணவர்​கள், பட்​ட​தா​ரி​கள், தொழில் தொடங்க விரும்​புவோர், தொழில்​முனை​வோர் கலந்​து​கொள்​ளலாம். முன்​ப​திவு அவசி​யம். கூடு​தல் விவரங்​களை www.editn.in என்ற இணை​யதளத்​தி​லும், 95437 73337 மற்​றும் 93602 21280 ஆகிய செல்​போன் எண்​களை தொடர்பு கொண்​டும் தெரிந்​து​கொள்​ளலாம் என தமிழ்​நாடு தொழில் முயற்சி மேம்​பாடு மற்​றும் புத்​தாக்​க நிறு​வனம்​ தெரி​வித்​துள்​ளது.