அரசுப் பள்ளி மாணவர்கள் உருவாக்கிய குறும்படங்கள் ஒளிபரப்பு: பள்ளிக் கல்வித் துறை வழிமுறைகள் வெளியீடு

சென்னை: அரசுப் பள்ளி மாணவர்​கள் உரு​வாக்​கிய சிறந்த 10 குறும்​படங்​களை தொகுத்து பள்​ளி​களில் ஒளிபரப்பு செய்வதற்கான வழி​காட்​டு​தல்​களை பள்​ளிக்​கல்​வித் துறை தற்​போது வெளி​யிட்​டுள்​ளது.

இதுகுறித்து பள்​ளிக் கல்வி இயக்​குநர் ச.கண்​ணப்​பன், அனைத்து மாவட்ட முதன்​மைக் கல்வி அலு​வலர்​களுக்கு அனுப்​பிய சுற்றறிக்கை விவரம்: தமிழகத்​தில் 2022-23-ம் கல்​வி​யாண்டு முதல் அரசுப் பள்​ளி​களில் 6 முதல் 9-ம் வகுப்பு வரை பயிலும் மாணவர்களுக்கு சிறார் திரைப்​படங்​கள் அவ்​வப்​போது திரை​யிடப்​பட்டு வரு​கின்​றன. இது மாணவர்​களின் படைப்​பாற்​றல், கற்பனை மற்​றும் விமர்​சிக்​கும் திறன் உள்​ளிட்ட அம்​சங்​களை மேம்​படுத்த தூண்​டு​கோலாக அமை​கிறது.

அந்​தவகை​யில் நடப்பு கல்​வி​யாண்​டில் (2025-26) முதல் சிறார் திரைப்​படம் இந்த ஜூலை மாதம் திரை​யிடப்பட உள்​ளது. கடந்தாண்டு மாநில அளவி​லான சிறார் திரைப்பட போட்​டிகளில் பங்​கேற்ற மாணவர்​கள் தயார் செய்த குறும்​படங்​களில் சிறந்த 10 படங்​கள் தொகுக்​கப்​பட்டு திரை​யிடப்பட இருக்​கிறது.

இந்த படங்​கள் நட்பு என்​றால் என்ன, நூல​கம் என்ன செய்​யும், ஊனம் ஒரு தடையல்ல, இயற்​கையை நேசிப்​போம், படித்​தால்​தான் உயர​முடி​யும், அனை​வரின் உழைப்​பும் அங்​கீகரிக்​கப்பட வேண்​டும் என்று பரந்த பார்​வை​யில் ஒரே நாளில் யோசித்து இயக்கி படத்​தொகுப்பு செய்து இனிமை​யான இசை கோர்ப்​போடு தந்த இந்த படைப்​பு​களாகும்.

இவை அனைத்​தும் திரைத்​துறையைச் சேர்ந்த இயக்​குநர்​கள், படத்​தொகுப்​பாளர்​கள் மத்​தி​யில் திரை​யிடப்​பட்டு சிறந்த நடிகர், சிறந்த இயக்​குநர் என பல்​வேறு விருதுகள் வழங்​கப்​பட்​டுள்​ளன. சிறார் திரைப்பட மன்​றம் சார்ந்த செயல்​பாடு​கள் அனைத்​தும் பிற மன்​றச் செயல்​பாடு​களைப் போல் மகிழ் முற்​றம் மாணவர் குழுக்​கள் மூல​மாக செயல்​படுத்​தப்பட வேண்​டும்.

இந்த படத்தை ஒளிபரப்பு செய்​வதற்​கான இணைப்பு லிங்க் பள்​ளி​களுக்கு அனுப்​பப்​பட்​டுள்​ளது. அதற்​குரிய பாட​வேளை​யில்​உரிய வழி​காட்​டு​தல்​களை முழு​மை​யாக பின்​பற்றி படத்தை மாணவர்​களுக்கு திரை​யிட்டு காண்​பிக்க வேண்​டும். இந்த பணிகளை கண்​காணித்து ஒருங்​கிணைக்க பள்​ளி​களில் பொறுப்​பாசிரியர்​களை நியமிக்க வேண்​டும்​. இவ்​வாறு அதில் கூறப்பட்டுள்ளது.