காமராஜர் பிறந்தநாளை முன்னிட்டு பள்ளிகளில் பேச்சு, கட்டுரை போட்டிகள் நடத்த உத்தரவு

சென்னை: பள்​ளி​களில் காம​ராஜர் பிறந்​த​நாள் விழா கொண்​டாடு​வது மற்​றும் சிறந்த பள்​ளி​களை தேர்வு செய்​வதற்​கான வழி​காட்​டு​தல்​களை பள்​ளிக்​கல்வி துறை வெளி​யிட்​டுள்​ளது.

இதுகுறித்து முதன்மை கல்வி அலு​வலர்​களுக்கு பள்​ளிக்​கல்வி துறை இயக்​குநர் கண்​ணப்​பன், தொடக்க கல்வி இயக்​குநர் நரேஷ் ஆகியோர் அனுப்​பி​யுள்ள சுற்​றறிக்கை விவரம்: தமிழகத்​தில் முன்​னாள் முதல்​வர் காம​ராஜர் பிறந்​த​நாளான ஜூலை 15-ம் தேதி ஆண்​டு​தோறும் கல்வி வளர்ச்சி நாளாக கொண்​டாடப்​படு​கிறது. இதையொட்​டி, சிறந்த பள்​ளி​களை தேர்வு செய்து நிதி வழங்​கப்​படும். இந்த பள்​ளி​கள் மாணவர்​களை அதிக அளவில் சேர்த்​திருக்க வேண்​டும். மாணவர்​கள் இடைநிற்​றலை தவிர்த்​ததுடன், ஆசிரியர்​களின் கற்​பித்​தல் திறன் சிறப்​பாக இருக்க வேண்​டும். கலை, இலக்​கி​யம், நாடகம் போன்ற துறை​களில் மாணவர்​களை நன்கு ஊக்​கப்​படுத்தி இருக்க வேண்​டும். பெற்​றோர் ஆசிரியர் கழகம், எஸ்​எம்சி குழு ஆகியவை சிறப்​பாக செயல்​பட்​டிருக்க வேண்​டும். புர​வலர்​களை​யும் அதிக அளவில் சேர்த்​திருக்க வேண்​டும். இந்த திட்​டம் மூலம் பெறும் நிதியை கொண்டு பள்​ளி​களில் குடிநீர், கழிப்​பறை​கள், ஆய்​வகம், நூலக மேம்​பாடு, சுற்​றுச்​சுவர் போன்ற அத்​தி​யா​வசிய தேவை​களை பூர்த்தி செய்ய வேண்​டும்.

இதுத​விர, இந்த ஆண்​டில் அனைத்து பள்​ளி​களி​லும் கல்வி வளர்ச்சி நாள் விழாவை சிறப்​பாக கொண்​டாடு​வது குறித்து தலைமை ஆசிரியர்​களுக்கு உரிய அறி​வுறுத்​தல்​களை வழங்க வேண்​டும். காம​ராஜரின் அரும்​பணி​கள் குறித்து மாணவர்​கள் அறிந்​து​கொள்​ளும் வகை​யில் பேச்​சு, கட்​டுரை, ஓவி​யம், கவிதை போட்​டிகள் நடத்​தி,பரிசுகள் வழங்கி மாணவர்​களை உற்​சாகப்​படுத்த வேண்​டும். இதற்​காக பள்​ளி​யின் பெற்​றோர் ஆசிரியர் கழக நிதியை பயன்​படுத்​திக் கொள்​ளலாம்.இவ்​வாறு அதில்​ கூறப்​பட்​டுள்​ளது.