டிஎன்​பிஎஸ்சி குரூப் 1 முதல்​நிலைத் தேர்வு: எளிய வினாக்​கள், ஏராளமான பிழைகள்!

எப்​போதும் போல டிஎன்​பிஎஸ்சி தேர்வு மிக நேர்த்​தி​யாக நடந்து முடிந்​துள்​ளது. தேர்​வு​களைத் திறம்பட நடத்​து​வ​தில் தமிழ்​நாடு அரசுப் பணி​யாளர் தேர்​வாணை​யத்​தின் நிபுணத்​து​வம் மீண்​டும் ஐயமற நிரூபிக்​கப்​பட்டு இருக்​கிறது. ஆணை​யத்​துக்கு நெஞ்​சார்ந்த வாழ்த்​துகள். 200 கேள்வி​கள் 300 மதிப்​பெண்​கள்.

கால அவகாசம் 3 மணி நேரம். எளி​தாக்​கப்​பட்ட விடைத்​தாள். எல்​லாம் சரி​தான்; ஆனால், டிஎன்​பிஎஸ்சியின் கடந்த சில தேர்​வு​களில் நாம் கண்ட சுவாரஸ்​ய​மான புத்​தி​சாலித்​தனம், மன்​னிக்​க​வும், இந்த முறை தென்​படவே இல்​லை. இது​கூடப் பரவா​யில்​லை; ஏராள​மான முரண்​கள், பிழைகள் - கேள்​வித்​தாள் முழுதும் நிரவிக் கிடக்​கின்​றன. ஒரு​வகை​யில் இது நமக்கு மிகப்​பெரிய ஏமாற்​றம், அதிர்ச்​சி. மிகுந்த அனுபவம் மிக்க தேர்​வாணை​யம் எப்​படி கவனிக்​காமல் விட்​டது...?

இது குறித்து விரி​வாகப் பார்ப்​போம். அதற்கு முன்​னர் - ‘கேள்​வித்​தாள், எப்​படி’..? அநேக​மாக எல்​லாப் பகு​தி​களி​லும் ‘நேரடி வினாக்​கள்’ மட்​டுமே இருந்​தன. அதனால், முறை​யாகத் தேர்​வுக்​குத் தயா​ராகிச் சென்​றவர்​கள், மிக நிச்​சய​மாகத் தேர்ச்சி பெறு​வார்​கள். நம்​பிக்​கை​யுடன் இருக்​கலாம்.

கணிதம், அறி​வியல், வரலாறு, சுற்​றுச்​சூழல், பொருளா​தா​ரம், அரசமைப்பு சட்​டம், மத்​திய மாநில அரசுத் திட்​டங்​கள், இலக்​கி​யம் குறிப்​பாக திருக்​குறள் என்​று, அறியப்​பட்ட/ அறிவிக்​கப்​பட்ட பாடத்​திட்​டத்​தில் இருந்து சற்​றும் நழு​விச் செல்​லாத கேள்வி​களே இடம் பெற்று இருந்​த​தால் ‘நுண்​ணறி​வு’க்கு வேலை​யில்​லாமல் போய்​விட்​டது.

அறி​வியல் பகு​தி​யில் மருத்​துவ அறி​வுக்கு முக்​கி​யத்​து​வம் தரப்​பட்​டிருப்​பது ஒரு வகை​யில் ஆரோக்​கிய​மான நன்​முயற்​சி. உயிர் வேதி​யியல் ஆக்​சிஜன், பச்​ச​யம், பூகம்ப விளைவு, வன வகைகள் குறித்த கேள்வி​கள் தேர்​வர்​களுக்கு எளிமை​யாக இருந்​திருக்​கும். நோபல் பரிசு யாருக்கு வழங்​கப்​பட்​டது என்று இல்​லாமல், இவர்​களுக்கு எந்த கண்​டு​பிடிப்​புக்​காக நோபல் பரிசு தரப்​பட்​டது? என்று வின​வியமை பாராட்​டுக்கு உரியது. பொதுக் கணிதத்​தில் அநேக​மாக எல்​லாக் கேள்வி​களுமே பள்​ளிப் பாடப் புத்​தகத்​தில் இருந்து நேரடி​யாக எடுக்​கப்​பட்​டவை ஆகவே இருந்​தன.

ரெப்போ வட்டி விகிதம், நாட்​டின் வளர்ச்சி உட்​கட்​டமைப்பு வசதி​கள் என்று வழக்​க​மான பாதை​யிலேயே பொருளா​தா​ரம் பயணித்​தது. இந்​திய, தமிழக அரசி​யல் பகு​தி​யில் புதி​தாக எது​வும் இல்​லை. சுதந்​திரப் போராட்ட காலம் கணிச​மாக இடம்​பெற்​றுள்​ளது. ஒரு குறிப்​பிட்ட அரசி​யல் இயக்​கம்/ தலை​வர் குறித்த கேள்வி​கள், வழக்​கத்தை விட​வும் மிக அதி​க​மாய் இருந்​தன. டிஎன்​பிஎஸ்சி கேள்​வித் தயாரிப்​பில் கடந்த சில ஆண்​டு​களில் நாம் காணாத அளவுக்கு ஒரு தலைப்​பட்ச அரசி​யல் நெடி தூக்​கலாகவே இருந்​தது. தவிர்த்து இருக்​கலாம். ஒரு​வேளை, தவிர்க்க முடி​யாதோ..?

மத்​திய மாநில அரசின் திட்​டங்​கள் குறித்த கேள்வி​களும் மிக அதி​கம். மத்​திய அரசின் குறிப்​பிடத்​தக்க திட்​டங்​களில் பெரும்​பாலானவை இடம் பெற்று விட்​டன! திருக்​குறள் சார்ந்த வினாக்​களில் இன்​னும் ஆழம் இருந்​திருக்​கலாம். மேலோட்​ட​மாய் அமைந்​த​தாய் ஓர் உணர்வு எழத்​தான் செய்​கிறது. தமிழ்த் தேவர்​களுக்​குத் திருக்​குறளில் இவ்​வளவு தெரிந்​திருந்​தால் போதும் என்​கிற அணுகு​முறை சரி​யான​தா...? திருக்​குறளில் மிக​வும் உயிரோட்​ட​மான பகு​தி​களுக்கா பஞ்​சம்​..? ஆணை​யம் சற்றே சிந்​திக்​கலாம். இது​வேனும் பரவா​யில்​லை; ஆங்​காங்கே தென்​படு​கிற முரண்​கள், பிழைகள், தவறான மொழி​யாக்​கம்​... திணறடிக்​கின்​றன.

ஏராள​மாக இருக்​கின்​றன; ஒரு சில மட்​டும் பார்ப்​போம். ‘தி​முக மக்​களைத் தமிழர் என்ற அடை​யாளத்​தால் ஒன்​றிணைய வற்​புறுத்​தி​யது’. ஆங்​கிலத்​தில் இப்​படி இருக்​கிறது: It urged people to WRITE under Tamil identity. வேறொன்​றுமில்​லை, Unite என்​பது​தான் write என்று அச்​சாகி உள்​ளது.

கேள்​வித்​தாளை ஒரு​முறையேனும் சரி​பார்க்க வேண்​டா​மா...? (நான் பார்த்த தாளில், கேள்வி எண் 121) மற்​றொரு கேள்​வி​யில் ‘The union executive consists of...’ தமிழில் இவ்​வாறு தரப்​பட்​டுள்​ளது - ‘மத்​திய செய​லாட்​சித் துறை​யின் பகு​தி​யாக இருப்​பது..’ சாசனத்​தில் வரும் Article என்​கிற சொல்​லுக்கு ஒரே கேள்​வித்​தாளில் வெவ்​வேறு இடங்​களில் ‘சரத்​து’, உறுப்​பு, விதி, பிரிவு என்று வெவ்​வேறு சொற்​கள் பயன்​படுத்​தப்​பட்டு உள்​ளன.

ஏன் இந்​தக் குழப்​பம்​..? சாசனத்​தில் உள்ள ஒரு சொல்​லில் கூட ‘சீர்​மை’ (uniformity) இல்​லாமற் போனது ஏன்​..? சட்​டத்​தில், சாசனத்​தில்​அடிக்​கடி பயன்​படுத்​தப்​படும் சாதாரண சொற்​கள் கூட அதி​காரப்பூர்வ மொழி​யாக்​கத்​துக்கு உட்​ப​டாதது ஏன்​..? அரசுத் தேர்​வாணை​யம் இதனை இன்​னும் தீவிரத்​துடன் பரிசீலிக்க வேண்​டும்.

சுயமரி​யாதைத் திரு​மணத்​தின் சிறப்பு அம்​சங்​களில் ஒன்​றாக கேள்​வித்​தாள் குறிப்​பிடு​கிறது - ‘அவை பெரும்​பாலும் வேண்​டுமென்றே மங்​களகர​மான​தாகக் கருதப்​படும் நேரங்​களில் நடத்​தப்​பட்​டன’. இதற்கு மாறாக, ‘மங்​களகரம் அல்​லாத நேரங்​களில் நடத்​தப்​பட்​டன’ என்றே அமைந்து இருக்க வேண்​டும். ஆங்​கிலத்​தில் ‘auspicious’ என்று தவறு​தலாக உள்​ளதை அப்​படியே தமிழில் மொழிபெயர்த்து இருக்​கின்​றனர்!பல இடங்​களில் தமிழ் மொழி​யாக்​கம், ‘கரிம தீவிரம்’ ‘நி​திஒழுக்​கம்’ என்​றெல்​லாம் மிக​வும் இறுக்​க​மாக இருந்​தது.

அதேசம​யம், காக்​கைகளுக்கு ‘நைவேத்​யம்’ செய்​யும் வழக்​கம் என்​றும் குறிப்​பிடு​கிறார்​கள். ‘படையல்’ என்​றால் எல்​லாருக்​கும் புரி​யுமே... ‘பட்​ஜெட்’ என்​றால் நிதி​நிலை அறிக்​கை. இதனை, ‘வரவு செலவு திட்ட அறிக்​கை’ என்​கிறது கேள்​வித்​தாள். இதை​விட​வும் வேடிக்​கை, ‘₹’ என்​பதை நீக்​கி, ‘ரூ’ என்​கிற தமிழ் எழுத்​து, ‘பட்​ஜெட்​’டில் பயன்​படுத்​தப் பட்​டது என்று பெரு​மை​யுடன் கூறுகிறது! ‘துறை​கள்’ என்று பன்​மை​யில் தொடங்​கி, ‘பார்க்​கப்​படு​கிறது’ என்று ஒரு​மை​யில் முடிகிறது.

‘பெண்​கள் உதவி எண்’, பொது விநி​யோக முறை குறித்த வினாக்​கள்​... யாராலும் இதை​விட மோச​மாக வடிவ​மைக்க முடி​யாது. பொது விநி​யோக முறை பற்​றிய கேள்வி ஆங்​கிலத்​தி​லும் தாறு​மாறாகத்​தான் இருக்​கிறது. இத்​தகைய முரண்​கள், பிழைகள் மலிந்து கிடக்​கின்​றன.

யாரேனும் ஒரு​வர் சில மணித்​துளி​கள் செல​விட்டு இருந்​தா​லும் இந்​தப் பிழைகளை களைந்​திருக்க முடி​யும். ஒரு​வேளை இவையெல்​லாம் பிழைகள் என்​ப​தையே அறிய​வில்​லை​யோ..? நிறை​வாக, அத்​தனை ‘சு​வாரஸ்​யம்’ இல்லை என்​றாலும், இந்த எளிய கேள்வி நன்​றாகவே இருக்​கிறது: மேரி என்​பவரின் தற்​போதைய வயது 16. அவள் தனது தம்​பி​யின் வயதை விட நான்கு மடங்கு பெரிய​வள் எனில் அவள் தனது தம்​பி​யின் வயதை விட இரண்டு மடங்கு அதி​க​மாக பெரிய​வளாக இருக்​கும்​போது மேரி​யின்​ வயது என்​ன..? a) 20 b) 24 c) 28 d) 32 e) ​விடை தெரிய​வில்​லை.